So leid Songtext
von Greis

We de nume chönsch d′Zyt vergässe
Widr mau e Tag wo nüt isch gloffe
Scho so fest im Hinterträffe, s'isch eh scho zspät
O we′d itz würdsch afa
Und du seisch es sig nid so schwär
Im Chopf weisch scho genau wi's sött wärde
We nume nid so verbisse wärsch
Wär nid jede Schritt sonee riise Bärg
Immer wider gisch dr Friste bis se de glych verschiebsch
Und trousch dr geng wi weniger je meh Zyt verstricht
Hesch di scho so viu säuber enttüscht,
Das d'irgendwie o findsch
Du heigsches gar nid besser verdient aus verzwiflet zsi
Und lydeschaftlich bisch am blocke und am nörgle
Und egau was machsch es längt dr nie, geng öppis wo di stört
U we de mau öppis glingt
Seisch es sig us Glück und nid wäg dir, nid wäg dire Leistig
Gäu, s′isch flauschig mit dir alei im Säubstmitleid


We de grad nid z′stand bringsch was d'esch planet,
Aues in Frag steusch und denn, de-de g′raatsch in Panik
Und findsch aues schlimm und tragisch
We'd Angst hesch dr Ärnst vom Läbe fändi äbe itzt de a
De tuet′s mir leid, bisch e verloren fau,
Chasch würlech nüt meh mache

Und es tuet dr so leid und es tuet mir so leid
Dass' dr so leid tuet,
Es tuet mer so leid, und es tuet dr so leid
Und du tuesch mer so leid dass′ dr so leid tuesch,
Du tuesch dr so leid

Hesch immer Stress und bisch im Hetze nid guet
Und denoch machsch immer aues nur uf di letzti Minute
Und ds schaffe faut dr schwär, schisst di a di meisti Zyt
Aber di meisti Zyt vom Schaffe verbringsch drmit nid aazfah
Auso was isch das wo schwärfaut?
Wosch itz würlech ernsthaft dr räst vo dim Läbe
Uf unbestimmti Zyt verschiebe?
Vilech hesch ja rächt, vilech isches besser
Und solang's dr witter schlächt geit, weisch ämu was d'hesch
U we′d würdsch handle, was würsch nähr mache mit au däm Glück
Usser ir Angst läbe du chönsches jederzyt widr verlüre
Es cah immer zum Unfau cho, owe′d di nie i Gfahr begisch
Und egau wiviu Farbe gisch, es blybt immer aues Unvoukomme


Und es tuet dr so leid und es tuet mir so leid
Dass' dr so leid tuet,
Es tuet mer so leid, und es tuet dr so leid
Und du tuesch mer so leid dass′ dr so leid tuesch,
Du tuesch dr so leid
Ote une touche de soleil, une touche de sommeil
Quand le soleil couche, une touche de sommeil
Jeuste une touche de soleil, une couche de sommeil
Quand le soleil couche, tu touches le soleil