zum beispiel Songtext
von Die Strottern

Zum Beispiel die Liebe, dazu g′hören, sagt man, zwei
Bei mir is des anders, wir san meistens drei
Wobei i der ane bin, der beide liebt
Und die beiden net wissen, dass' zwa von eana gibt
Bis dass sie′s dann irgendwann unschön erfahren
Des is an der Liebe der Schmarrn
Des is an der Liebe der Schmarrn


Oder die Treue, i halt vü davo
Weu wann i schon "A" sog, dann "B" sowieso
Nur bin i dann relativ bald schon beim "Z"
Was leider bedeutet, dass' nimma weidageht
Und wann's nimma weidageht, muaß ana geh′n
Des is an der Treue das Problem
Des is an der Treue das Problem

Nehmen′s den Glauben, von dem hob i scho gheat
Der macht ned nur selig, der versetzt gar an Berg
Nur mein Berg san Schulden und i hab des Gfühl
Da kann i jetzt glauben so viel als wie ich will
Der Berg, der rührt sich kan Millimeter vom Fleck
Das ist an mein' Glauben das Handycap
Das ist an mein′ Glauben das Handycap


Und schließlich die Hoffnung, die stirbt ja zuletzt
Nur bled, wann i vorher stirb, zum Beispiel jetzt
Hab ich dann net sinnlos mei Leben verhofft
Statt dass i's gelebt hätt, dafia g′hörat i g'straft
Zum Glück siech i′s anders, i brauch nur an guten Lauf
Die Hoffnung gibt mi schon net auf
Die Hoffnung gibt mi schon net auf