haundschuach aus saumt Songtext
von Die Strottern

Und es is nix wias scheint
Waun da scheint es is ois nix
Waun a mensch rechd weint
Schau guad hin fileichd sixd
Dass sei heazzal scho lochd
Weusd endlich schausd
Ja daun bisd faluan
Waunsd nua auf d augaln fadrausd

A bissal aufbassn aufaranaund
A bissal haundschuach aus saumt
A bissal denkn fuam redn
A bissal nehma füü gebm


Und es is nix wias scheint
Waun da scheint es is ois nix
Waun a mensch rechd schreit
Daun woat o de oan schbizz
Wos a sogn wüü kummd nochhea
Wauns aus is midn leam
Ja daun bisd faluan
Waun nua de oan zuahean

Ned imma ois wissn fuam schaun
Ned imma ois aungsagte glaubm
Ned imma da gscheidare sein
Ned imma zugabe schrein

Und es is nix wias scheint
Waun da scheint es is ois nix
Waun si wos bsundas schee reimt
Haasd des no ned es is fix
Weu oft brauchds nua a woat
Und a gschichd die wiad bled
Ja daun bisd faluan
Waun nua dei mund fia di red

No füü mea schezzn ois zöön
No füü mea d obrichkeid kwöön
No füü mea schbazzian gehn
No füü mea auswendig lebm