Ding Auge Songtext
von De Räuber

Du soß ganz allein ahn dem Desch als ich Dich gesihn han.
Dann trof dinge Blick mich, ich daach fast mih Hätz dat bliev stonn.
Ich han dat zoeesch ignoriert,
dann han ich dä Kribbel gespürt un dann wor mir klor,
wat grad met mir passeet.


Denn ding Auge die sage suvill, wat ding Hätz sök un dat wat et will.
Loss mr′ jett dräume un nix versäume bes morje.
Nur et Schicksal bestimp wat passeet,
wie die Naach met uns zwei ende weed.
Loss mr' jett dräume un nix versäume bes morje.

Dann han mr′ zesamme gedanz, mr' komen uns näher.
Du häs dinge Kopp dobei op ming Schulter gelaat,
ganz willenlos nohm ich dat hin, denn wehre hatt gar keine Sinn
un dann han mir zwei uns ganz lang ahngesihn.

Denn ding Auge die sage suvill, wat ding Hätz sök un dat wat et will.
Loss mr' jett dräume un nix versäume bes morje.
Nur et Schicksal bestimp wat passeet,
wie die Naach met uns zwei ende weed.
Loss mr′ jett dräume un nix versäume bes morje.