Volli Züg (Full Trains) Songtext
von Dänu Extrem

I styge y
I dä Zug
Kämpfemi düre
Zum ne Fänschteplatz
Die lääri Landschaft
Ziet verby im Flug
Der Zug isch voll
Es het ke Platz

Wo s häre geit
Weiss niemer genau
Dert wo aui häre göh
Dert häre wotti ou
I däm Zug bini total mobil
Nei, deheime blybe
Das isch nid my Styl


I wott doch
Schnäller höcher und immer wyter
I bi jünger, schöner und immer immer fitter
I wott ds Läbe gniesse
I volle Züg
Nid umeluege
Blindlings wyter ga

S isch ds glyche Bild
Ringsetum
Schnösel mit Vollbart
U Tussies mit Lockehaar
Schtrychle ganz sanft
Ihres Telefon
Oder ihres I-Pad
Uf de Chnöi
Jede füelt sich
So speziell
Einzigartig
Individuell
Und isch doch Teil
Vom Einheitsbrei
X-beliebigs Einerlei


Aber
Schnäller höcher und immer wyter
Jünger, schöner, immer fitter
Ds Läbe gniesse i volle Züg
Nie hindere luege
Blindlings vorwärts ga
Ga ga ga

Wie ne Herde Schaf
Gjagt vom Businesshund
Düre Grossstadtsumpf
Renne im Hamschterrad
Wie ne Herde Schaf
Wo alli ds Glyche wei
Obschon si Uswahl hei
Renne im Hamschterrad

Schnäller höcher und immer wyter
Jünger, schöner, immer fitter
Ds Läbe gniesse i volle Züg
Nie hindere luege
Blindlings vorwärts ga ga gaga