Verloore Songtext
von Dänu Extrem

Verloore

E steile Pass han i suber abgnoh
Jitz seckl i, dribble gäge ds Goal
Bis da eine chunt vo däm FC Hinderfutzige ufem Land
Dä kickt mir eis voll a ds Schynbei
Nimmt der Ball u bringt ne hei
Jitz lig i hie im Gras

Mit mym Schatz ligen ig im Bett - und i finde
Mir hei′s doch ganz fett
Knuutsche und schmuuse, dänke nid a ds Pfuuse
I wett i wär dy Teddybär
Früecher oder speter, chunt der Hanspeter u seit
"Chumm jitz Baby, i schänke dir mys Härz"
U ig blybe hie, alleinzi mit mym Hass

I bi ne Loser
E Füdle-Pfuuser
Cha mache was i wott i chume nie ufene grüene Zweig


Bi ne Verlüürer
E Füdle-Gfrüürer
Cha mache was i wott i chume nie ufene grüene Zweig

Ds Läbe lang han i - büglet wie ne Löu
Ha gschaffet, gschaffet für my Lohn
Bis de eine isch - cho us Sanggalle 's isch e Hohn
Dä het aues nöi erfunde, het afa spare vo ganz unde
Jitze.– stahn i uf der Strass

Bi ne Loser
E Füdle-Pfuser
Cha mache was i wott i chume nie ufene grüene Zweig

Bi ne Verlüürer
E Füdle-Gfrüürer
Cha mache was i wott i chume nie ufene grüene Zweig

Verlore han i aus won i ha gha
U stah jitz hie fasch füdleblutt da
Ha niene es Bett, i bi total blank
Ha ke müede Rappe uf der Bank
Derfür chan i ändlech mache, was i wott
U i füele mi e so total frei
Jitze – tanz i uf der Strass


Ha alles verlore
A ds Füdle gfroore
Cha mache was i wott ja jitz bin i ändlech frei
Ha nümm z –verlüüre
Muess nie meh früüre
Cha mache was i wott ja jitz bin i ändlech frei