Schnäuer schnäuer Songtext
von Dänu Extrem

Schnäuer.schnäuer.
Text/music by: Dänu Extrem

I stecke der schlüssu, laa d′zündig a
S'isch chaut, es zieht, u d′ schybe louft a
I zieh der tschokk u gibe gas
La d'lüftig aa u fahre los
D's strässli ab, dür ds nächschte kaff
U bir grüene tafle biegn i ab...
Uf d′outobahn...


I la ds radio a u wider ab
I schaute düre, i drücken ab,
I bi alei, ′s isch niemmer da
Im spiegu lan i aues la stah
Ds land zieht verby, i haute nie meh a
Nume wen i schnäu mues e tank vou ynela
Es brot, chly wasser, u scho los
Blochen i wyter, rigoros
La stadt um stadt im räge stah
Fahre wyter, der wysse linie na
Uf der outobahn...
Besässe vo däm tempo-wahn

Schnäuer, schnäuer, geng wyter wägg
Schnäuer, schnäuer geng wyter - furt...

E bousteu, es tunäu, e höchi brügg
Geng grad uus, u niemeh zrügg
E see, e fluss, e bärg, es tau
E gradi linie, 's isch brutau
Mit mir alei uf dere strass
Es wird nacht, u der teer isch nass
Uf der outobahn...
Besässe vo däm tempo-wahn

Schnäuer, schnäuer, geng wyter wägg
Schnäuer, schnäuer geng wyter, - furt...


′S paar tänk speter, 's taget scho
Gsehn i d′ sunne über ds meer ychoo
Chole han i nümm grad viu
Wenn chumen ig ändlech a mys zieu?
Dert, won i här chume, cha's nid sy
Aber vilech bin i scho drann verby...
Uf der outobahn...
Besässe vo däm tempo-wahn

Schnäuer, schnäuer, geng wyter wägg
Schnäuer, schnäuer geng wyter, - furt...
Schnäuer, schnäuer, geng wyter wägg
Schnäuer, schnäuer geng wyter, - furt...
Schnäuer, schnäuer, geng wyter wägg
Schnäuer, schnäuer geng wyter, - furt...