Rächti Schwitzer Songtext
von Dänu Extrem

Rächti Schwyzer

I wachen uuf i mym nordische bett
Made in finnland, jedi wett
I trinken es kaffee us equador, oder es tee
Beschti marke us ceylon
I legen es t-schört, es paar hosen a
Us boumwulle us der ukraina
Luege i d′zytig, i wagen e blick
Was gsehn i da, si bringe's wider dick
Tamile, jugos und tschingge
Tschaupen üs uf d′füess, wöugen üs lingge
Chömi dahäre zum schmarotze
U die söll me doch aui furtputze!


I fahren i ds büro, i la mys outo a
Du hesch's errate, 's isch e toyota
I fahre mit bänzin usem kuwait
Ah ja, ′s paar italian shoes han i o no aagleit
I bi scho chli spät, lueg i my swatch mau a
U gseh, die isch made in korea
I chumen i ds büro, grüesse mit "hallo"
Grüesse d′ ilona, u der giorgio o
Är isch us rom, si vo bratislava
Ussländer, uf die chasch di nie verla
Chöme dahäre zum schmarotze
U i darf nid mau motze

I bin e guete schwyzer
Dumm... doof... dänke nid meh, nid wyter, dumm... doof
I ha, was i bruuche, das isch e witz
I ha, was i gärn ha, u das isch d'schwyz
I bin e guete schwyzer
Dumm... doof

Im büro lan i my computer a
Ds nöischte modäu us amerika
Die schnäuschti software, ′s isch e fröid
Natürlech isch o die, "american made"
I la mys japaner radiöli a
"Wau!" die mäickel jäcksen muess i haa!
De han i durscht, i muess es ha
Es yschchauts coci us atlanta

Aues chunnt vo dert, nüt chunnt vo da
I cha nid läbe vo chäs u schoggola
Drum stygen i uf e höchscht bärg won i cha
Mache ds härz u d' ougen uuf
U luege so wyt i chaa, so wyt i gseh


I bin e guete schwyzer, wott viu meh, viu wyter
I bin e guete schwyzer, gseh viu meh, viu wyter
I bin e guete schwyzer, cha no meh, no wyter
I bin e guete schwyzer, gseh viu meh, viu wyter
La svizzera... la svizzera... la svizzera
L′è una naziun de cujun!
I bin e guete schwyzer, i dänke no meh, viu wyter