Jasse Songtext
von Dänu Extrem

Jasse

Es isch Samschtig abe, d Wuche n isch verby
Und mir hocke n ir Beiz und suufen es Bier
Der Blick lygt vor mer, es isch e Gruus
Was die wider brichte u eis zämedichte
Mir diskutiere grad ob′s no geit
Was die Herre z Bärn vo üs alles no wei
Lyre übere Bänzinprys, ob's so wyter geit?
Flueche chly über d Schtüüre, u jede seit
Sy Meinig, so wie′s steit ir Bundesverfassig, eh ja, Meinigsfreiheit
Da nimmt eine d Charte füre u meint
"Chumm mir spylen eis", u schnäll het är verteilt

Aber da muess i passe, wüll i ha ke Blasse vom Jasse


I bi du ane andere Tisch ga hocke
U si hei e flotte Dreier afa bocke
I ha nid wölle schtöre u ha o ds Glyr nümm möge ghöre
I hocke mi also zu däm Meitschi dert
Wo o nid het möge alleinzi sy
U mir schwätze über Dis und Das
U so lääre mir no n es paar Glas
Bis der Beizer rüeft: "Itz isch Schluss
I füf Minute, syt dir aui duss"
Später de, daheim bi r Veronika
Git si mir nüün Charte n i d Hang, aber
Da muess ig passe, wüll, i ha ke Blasse
I mache doch fasch alles mit, aber da, da muess i passe

Wüll, i ha ke Blasse vom Jasse

Ob Näll oder Puur oder Otto Stich
Ob unde ufe, oder oben abe
I ha ke Blasse, ob Rot, ob Schwarz
Ob Dame, König oder Ass, i verstah überhoupt nüt vo Jass
Ob Nüüner, Dryzähner, ob Sibeachtnl, i säge nume
"Kiss my ass!" I verstah total nüt vom Jäzz

Es git serig, wo bhoupte, dass du ke rächte Schwyzer bisch
Nume wüll du nid düregsehsch a ihrem Stammtisch
Wo sälber aber gar ke blasse Schimmer hei
Vo der ganze Schweinerei
Wo uusgjasset wird Tag u Nacht
Uf em Spyltisch vo der Macht
Wo gschtoche wird u gschobe
Während mir wi di Blöde göh ga maloche
Wo Chilche, Politik und Marktwirtschaft
Hand in Hand uf Profit hi schafft
Wo di kene fragt, wie und warum
Und d Puure jasse und luege dumm, wüll


Da müesse si passe, wül si hei ke Blasse
Ir Beitz hocke u jasse
Aber vom jasse hei si ke Blasse
Bi däm Spyl da muessesi passe
Ruhig sy u schön ufpasse
Vom grosse Spyl hei si ke blasse
Was da würklech abgeit da hei mir
Ke Blasse