Immer nume ig Songtext
von Dänu Extrem

Wär hie uf der Bühni steit
U wär das Mikrophon vollschreit, bi n IG
Dä wo hie der Takt yzeut
U dä wo hie der Ton aagit, bi n IG
Dä wo weis wo′s düregeit
Wo seit wie s hie itz wytergeit, bi n IG
Wär isch hie grad voll aagseit
Wär seit wo da Poscht abgeit, bi n IG

Dä wo ir Schlange füretrückt
Wo meint är chöm de ender aa, bi n IG
Dä wo uf der linge Spur
Dir geng grad am Füdle chläbt, bi n IG
Dä Parkplatz wo grad itz frei wird
Wo du scho lang druf gwartet hesch, schnapp IG
Ds Einzige wo würklech zeut
Wo hie e Rolle spielt, bi n IG


Spiegl, Spiegl a der Wand
Wär isch der Schönscht im ganze Land, dänk IG
Ds Beschte isch doch wyt u breit
Das hani mir scho mängisch gseit, bin IG
Das won ig am Liebschte ha
Woni so total druf stah, bin IG
Der Nabel vo der Wäut
Wo sech alles ringsum drait, bi n IG

Was isch guet u was isch Schlächt
Was isch fautsch u was isch Rächt säg IG
Wär isch d Lösig vom Problem
Won ig sälber erfunge ha, dänk IG
Wär isch d Rettig vom Planet
Wonig sälber ds Loch abgla ha, bin IG
Da gits bi mir kei Toleranz
Wär het da geng der länger Schwanz, bin IG

Wenn hie öpper übrig blybt – denn nume IG
Alles wos hie z hole git - das nimme IG
IG Ja IG Immer nume IG
Wo sölls da jitz dürega, u wie söll das da wytergaa?
Gits da öpper wo düregseht, wo no öppis Bessers weiss?
Was isches wo am Schluss no zeut, we alles usenanger gheit?
Was isch guet u was isch Schlächt, was isch fautsch u was isch Rächt?
Isch da Eine wo no weiss, wo s würklech no düregeit?
Was isch ds Zentrum vo der Wäut, wosech alles ringsum drait?
Vom Aafang vo der Zyt bis i aui Ewigkeit?