D's Gschänk-li Songtext
von Dänu Extrem

D′s Gschänkli

Du ladsch mi y, zu dir a ds Fescht
Zu dir, zu dyne liebe Gescht
I chume gärn, s isch nid wäg dämm
Aber irgendwie, mit läre Händ
Cha nüt derfür, es isch e so
Man i nid zu dir, a ds Feschli cho
Ha nide mal e Fläsche Wy
Und am Bluemelade bin i scho verby

Nimm doch das Lied - li
S isch nid gross, es isch ganz chly
Passt i kes Päck - li
Aber es isch es Gschänk, vo mir für di


Jedi Stund, won i cha sy
Mit dir, sött nie verby
Un i gniesse's immer wider
Du weisch, i bi so gärn bi dir
Di wott i immer wider gseh
Du gisch mir Luscht uf no vil meh
Du gisch mir Muet zum Wyterläbe
Mit dir wett i zämechläbe

Du bisch es Schätze - li
Du bisch so gross, un i so chly
Du bisch mys Schätze - li
Du bisch es Gschänk für mi, bisch da für mi

Jede Morge wach i uuf
I läbe no u hole Schnuuf
Mys Härz schlat no, i bi no da
My Fade het no nid la gah
I gseh der Tag wo ynebricht
U wyter geit die schöni Gschicht
Gott sei dank i läbe no
U irgendwie macht mi das froh

Es isch es Gschänk - li
Mängisch gross u mängisch chly
Es isch es Gschänk - li
Es isch es Gschänk für mi, vo dir für mi


Es isch es Gschänk-li lala lolo luu
Es isch so gross
Es isch es Gschänk-li lala lolo luu
Jede Tag isch nöi
Es isch wie Wiehnacht u Geburtstag zäme
Es isch es Gschänk-li lala lolo luu
Ja, jede Tag, jedi Stung isch nöi
Es isch es Gschänk-li lala lolo luu
Mys Härz schlaht no, i bi no da
Es isch es Gschänk-li lala lolo luu
My Fade het no nid la gah
Es isch es Gschänk
Vo dir für mi