Ciao Baby, Ciao Songtext
von Dabu Fantastic

Wie seit mer ciao nach all dere Ziit?
Seit mer: "Ciao Baby, ciao"?
Wie seit mer ciao nach allm, wo isch gsi?
Seit mer: "Ciao Baby, ciao"?

Gibt mer sich d′Hand? Hebt mer sich fescht?
Oder küsst mer sich nomol?
Wie seit mer ciao, wenns endgültig isch?
Seit mer: "Ciao Baby, ciao"?

Mir sind so fescht verwobe inenand
Het nie dänkt, dass mir de Fade chönd verlüre
Hend immer ufpasst und gluegt ufenand
Es isch gliich nümm s'glich, wo mir jetzt gspüred

Han dich so gärn und s′git kein Grund, dich hüt z'verloh
Wenn mer mol nüechtern überleit
Aber wer chan scho nüechtern überlege und verstoh
Wenn s'Läbe grad mit Läbe um sich schmeisst?


Wie seit mer ciao nach all dere Ziit?
Seit mer: "Ciao Baby, ciao"?
Wie seit mer ciao nach allm, wo isch gsi?
Seit mer: "Ciao Baby, ciao"?

Gibt mer sich d′Hand? Hebt mer sich fescht?
Oder küsst mer sich nomol?
Wie seit mer ciao, wenns endgültig isch?
Seit mer: "Ciao Baby, ciao"?

Mir sind so fescht verwobe inenand
Wie sonen dicke, weiche Teppich vom Bazar
All die Fäde, die gönd nie meh usenand
Ganz egal, wies chlöpft, wenn ich jetzt gah

Wer wott liebe mues au truure, das isch en alte Pakt
Mir zwei hend gliebt us vollem Herz
Drum chum, ich heb di und brüele mit dir mit di ganzi Nacht
Und bin am andere Morge weg

Wie seit mer ciao nach all dere Ziit?
Seit mer: "Ciao Baby, ciao"?
Wie seit mer ciao nach allm, wo isch gsi?
Seit mer: "Ciao Baby, ciao"?


Gibt mer sich d′Hand? Hebt mer sich fescht?
Oder küsst mer sich nomol?
Wie seit mer ciao, wenns endgültig isch?
Seit mer: "Ciao Baby, ciao"?

Ciao Baby