Mama lugg ich cha flüüge Songtext
von Bligg

Mama lugg ich chan flüüge - Freiheit rüeft nach mir - ich muss los!
Wett nüüt bereue s′Läbe isch zchurz und d'Wält isch zgross
Mama lugg ich chan flüüge und ich flüüge bis zum Mond
Wüsch dini Träne ab ich wird ganz sicher wieder cho...

Mir händ Angst - Angst dass Mittelmässigkeit nöd langt
Angst dass mir nöd bringed was Social-Media verlangt
Angst ufem Sprungturm mer seg dä Dilettant
Und drum staht mer lieber nur am Beckerand - Handy i dä Hand

Maled kei Bilder - us angst kein Picasso zsi
Schribed kei Gedicht - Dürrematt chönnt es Fiasko si
Mir lönd eus bim Sex - nöd voll la gah
Vergliched eus mit Pornostars

Es git no so viel Story′s z'schriibe - so viel Lieder z'singe
So viel Fäschter zfiire - so viel Glück zum finde
Berge z′ bestige - Strecke zum ränne -
Bilder zum male - Büecher zum läse
So viel Storys zschribe - Ich mein ja numme!


Mama lugg ich chan flüüge - Freiheit rüeft nach mir - ich muss los!
Wett nüüt bereue s′Läbe isch zchurz und d'Wält isch zgross
Mama lugg ich chan flüüge und ich flüüge bis zum Mond
Wüsch dini Träne ab ich wird ganz sicher wieder cho...

Mir singed nöd luut will mir kei Stimm händ wie d′Beyoncé
Chocht lieber nöd für Fründe will mer isch kein Gordon Ramsay
Getraued eus nöd tanze - nehmed lieber uf em Sitz platz
Will mers nöd so gschickt macht - wie die uf TikTok

Komponiere lieber nöd probiere - sind ja nöd Beethoven
Hebed lieber d'Schnurre - Muulchorb Polit-Slogans
Es "ich lieb dich" - chunnt zsälte über d Lippe
Mer chönnt sich ja no schäme - wenn d′Stimm debi zittered

Sind nöd schnäll wie Usain Bolt - händ villicht numme 1 Bei
Kei TopModels - händ kein IQ vomne Einstein
Fuck it! Ich lah s innere Chind usse
Schlimmscht wo passiert - ich gheit uf d'Schnurre

Es git no so viel Story′s z'schriibe - so viel Lieder z'singe
So viel Fäschter zfiire - so viel Glück zum finde
Berge z′ bestige - Strecke zum ränne
Bilder zum male - Büecher zum läse
So viel Storys zschribe - Ich mein ja numme!


Mama lugg ich chan flüüge - Freiheit rüeft nach mir - ich muss los!
Wett nüüt bereue s′Läbe isch zchurz und d'Wält isch zgross
Mama lugg ich chan flüüge und ich flüüge bis zum Mond
Wüsch dini Träne ab ich wird ganz sicher wieder cho...