Mitha Mitha Bohagor Songtext
von Bhupen Hazarika

মিঠা মিঠা বহাগৰ
গীত এটিকে ৰচো বুলি ভাবিলো
তেনেতে চুচুক চামাককৈ কাষ চাপিলা
মই যেন ভাষা পালো
মিঠা মিঠা বহাগৰ

লুইততে তিওৱা
তোমাৰ দেহা
মাহ আৰু হালধিৰ
সুবাশ ঘহা
নিচেই কাষতে
পোৱাৰ পিছত
সোণ যেন হাততে পালো
মিঠা মিঠা বহাগৰ


মোৰ বহাগে যেন
মোৰ বহাগে যেন
এটি সৰু বিহুগীত
মোৰ বহাগে যেন
এটি সৰু বিহুগীত
কৰবাত হেৰাই যোৱা
আজি যেন হঠাতে পোৱা
একজাক গাভৰুৱে
হঠাতে হঁহা
একজাক বগলী বলীয়া হোৱা
বিহুৱা আবেশে আজি
মোক জোকোৱা
মই যেন ধুমুহা হলো

মিঠা মিঠা বহাগৰ
গীত এটিকে ৰচো বুলি ভাবিলো
তেনেতে চুচুক চামাককৈ কাষ চাপিলা
মই যেন ভাষা পালো
মিঠা মিঠা বহাগৰ