Juboti Anamika Goswami Songtext
von Bhupen Hazarika

যুৱতী অনামিকা গোস্বামী
আৰু যুৱক প্রশান্ত দাসে
বিয়াত হেনো কিছু বাধা পালে
ৰাম বাধা পালে
সেয়ে কাকো নজনাই, কামাখ্যাধামত
দুয়ো দুয়োকে আজি মালা পিন্ধালে
ৰাম মালা পিন্ধালে
আজি দুয়োৰে উজ্জ্বল মুখ
আজি দুয়োৰে অতীৱ সুখ
সিদিনা দুয়ো আশীৰ্ব্বাদ বিচাৰি অহাত
মই ক′লো


মহাশূন্যত উপগ্রহ ৰাখি
এই্য়া গণসংযোগ কৰোৱাৰ যুগ
আৰু আণৱিক শক্তিক দানৱৰপৰা আনি
মানৱৰ সেৱাত লগোৱাৰ যুগ
এইয়া প্রসান্ত আৰু অনামিকাৰ
জাতিকুল নেউচা হোমাগ্নিৰ যুগ
এইয়া প্রসান্ত আৰু অনামিকাৰ
জাতিকুল নেউচা হোমাগ্নিৰ যুগ
এয়া জনাৰ যুগ
এয়া বুজাৰ যুগ
এয়া জেট যুগ
আনৱিক যুগ
এইয়া সীমাৰ পৰিধি ভঙাৰ যুগ
সীমাৰ পৰিধি ভঙাৰ যুগ

মন পথাৰ বহল কৰি
প্রেমৰ ৰসেৰে জীপাল কৰি
এয়া মানৱতা-কঠীয়া সিঁচাৰ যুগ
মানৱতা-কঠীয়া সিঁচাৰ যুগ

এই শতিকাৰ য'ত নৱ প্রয়াসৰ
ফুল ফুলাব অনাগত শতিকাই
একৈশ শতিকাৰ প্রথম পুৱাৰ
জিলিকনি চাবলৈ আছোঁ বাট চাই
ঊনবিংশ শতিকাৰ ধ্যান-ধাৰণা
বিংশ শতিকাত শোভা নেপায়
একবিংশ শতিকা আহিবলে
তিনি দশকো যে নাই
একবিংশ শতিকা আহিবলে
তিনি দশকো যে নাই
হে′ অনামিকা আৰু প্রশান্ত দাস
দুয়ো পাবা নৱ নৱ জ্যোতিৰ আভাস
আশিকে ভৰা হওঁক দুয়োৰে আকাশ