Endhar Katir Nishate Songtext
von Bhupen Hazarika

এন্ধাৰ কাতিৰ নিশাতে
এখনি নৈৰ পাৰতে
এটি ভগা পজাতে
পানেইৰ কামীহাড় সাৱতি
তাইৰ পোনাকনে ফেকুঁৰে

আই ভোক লাগিছে
আই ভাত দে
আই পিয়াহ লাগিছে
আই গাখীৰ দে
আই ভোক লাগিছে
আই ভাত দে
আই পিয়াহ লাগিছে
আই গাখীৰ দে
আই ডিঙি মোৰ শুকায়ে যায় আই
এন্ধাৰ দেখিছো আই


কপালত হাত দি
পানেয়ে দেখিছে
পোনাটিৰ হু হু জ্বৰ
ঔষধো নাই গখীৰ নাই
ফল নাই মূল নাই
তেনেই উদং ঘৰ
ৰাতি পুৱালেই
খুজি মাগি আনি দিম
অলপ ধৈৰ্য ধৰ
অ′ বাচা আজি নিশাটো
তেনেই উদং ঘৰ
কান্দি কান্দি পোনাটি ভাগৰি
আই বুলি চিঞৰি
পোনাটি টোপনি যায়
পানেই তেতিয়া পোনাটিক চুমাদি
টোপনিৰ গীতটি গায়

আমাৰে মইনা শুব এ
সোনালী ধাননী দাব এ
ন চাউলৰে চিৰা ভাজি দিমে
বাতি ভৰি ভৰি খাব
আমাৰে মইনা শুব এ
সোনালী ধাননী দাব এ
ন চাউলৰে চিৰা ভাজি দিমে
বাতি ভৰি ভৰি খাব
তই বাচা টোপনি যা
তই বাচা টোপনি যা

মাজনিশা কুকুৰৰ ভুকনিত
ঢপ ঢপ বুকুৰে কপনিত
পানেই উচপ খায়
ফটা কঠা আতৰাই
পোনাটিৰ মুখ চাই
আথেবেথে সাবটি গায়


সোনৰে পুতলী বাচা
মূৰ তুলি চা
সুদা পজাত কূটাও নাই
পানীটোপা খা

সোনৰে পুতলী বাচা
মূৰ তুলি চা
সুদা পজাত কূটাও নাই
পানীটোপা খা