Schwamedinge Songtext
von Baby Jail

Es heisst es seg stier da
Es müessti meh Schmier ha
Und weniger Goldchette
Debi isch es eifach
Chli lüter als z Leimbach
Und glätter als z Altstette
Niemerdt regt sich uf wännd Schiibe zitteret
Es isch dänk nur es Flugzüg oder s gwitteret
Nur Lämpe und Lermä
Me ghört niemerds schwärme
Vo sunnige Wohnige
Drbii simmer quasi sträng geografisch
De Norde vo Zollike


Glück und Liebi cha me nöd erzwinge (cha me nöd erzwinge)
Aber ab und zue es Blüemli cha me bringe (Blüemli cha me bringe)
Und wänn dä Radio kaputt isch cha me singe
Vor allem z Schwamedinge
Oh oh oh z Schwamedinge
Oh oh oh z Schwamedinge
Schwamedinge

Zum chli go gröle und d Lampe go ööle
Muesch nöd bis ins Dörfli gah
En Egge zum tanze und paar uf dr Ranze
Das chasch au scho z Stettbach ha
Niemerdt regt sich uf wänn mal keis Tram meh fahrt
Dänn gaht me z Fuess und hätt villicht achzg Franke gspaart

Glück und Liebi cha me nöd erzwinge (cha me nöd erzwinge)
Aber ab und zue es Blüemli cha me bringe (Blüemli cha me bringe)
Und wänn dä Radio kaputt isch cha me singe
Vor allem z Schwamedinge
Oh oh oh z Schwamedinge
Oh oh oh z Schwamedinge
Schwamedinge

Es git Würst im Garte me muess nöd lang warte
Wänn mer en Rugel will
De Jürg und dr Hugo de Türk und de Jugo
Händ all en Chugelgrill
Me gseht villicht au Palme und Orangebäum
Wänn mer z Nacht nöd nur vo Schwamedinge träumt


Glück und Liebi cha me nöd erzwinge (cha me nöd erzwinge)
Aber ab und zue es Blüemli cha me bringe (Blüemli cha me bringe)
Und wänn dä Radio kaputt isch cha me singe
Vor allem z Schwamedinge
Oh oh oh z Schwamedinge
Oh oh oh z Schwamedinge

Schwamedinge
Schwamedinge
Schwamedinge