Shulem Aleichem Moshiach Songtext
von Yingerlich

אליין אויפן וועג
אין די לאנגע גלות טעג
משיח ער שטייט און ווארט ביז גאר
כמעט שוין צוויי טויזענט יאר
זיין שופר איז גרייט
מיטן אייזל ער שטייט
ער קוקט שוין ארויס
ווען לייז איך זיי אויס
ס′זאל שוין זיין יהא שמיה רבה

ווען פלוצלינג פון דער ווייט
משיח אליין ער רייט
ער וועט אויפבינדן די גלות קייט
מיר אלע ווערן באפרייט
צום אדלער א געלויף
מיר פליען צום באשעפערס הויף
מ'טאנצט מ′שפרינגט
מ'שרייט מ'זינגט
משיח ברוך הבא


שלום עליכם משיח
מיר האבן זיך געבענקט
עליכם השלום אידעלעך
עטס האטס מיר געברענגט
קומט נאר כלל ישראל
אהיים פונקט ווי אמאל
אין אונזער היים ירושלים
יא יא יא איך בין שוין דא
שלום עליכם משיח
מיר האבן זיך געבענקט
עליכם השלום אידעלעך
עטס האטס מיר געברענגט
מארבע כנפות
אויפן טאטנ′ס שויס
אין אונזער היים ירושלים
יא יא יא ברוך הבא

ס′איז יו"ט אויף דער וועלט
אויך די חיות אויפן פעלד
די פייגל פון אויבן די פיש פון ים
זיי טאנצן מיט די בערג צוזאם
אלעס שפראצט פון בוים
און די זון כחום היום
און די הימל בלייבט שטיין
באגלייט אונז אריין
אין ירושלים הבנויה

מ'שעכט דעם שור הבר
און פון יין המשומר
משיח אליין פאר יעדן טיילט
דער פשט פונעם גלות ער דערציילט
די ניסים יעדער זעט
תחיית המתים געשעט
א קרבן תודה עס ברענט
מ′פאטשט מיט די הענט
אשירה לה' כי גאה גאה


שלום עליכם משיח
מיר האבן זיך געבענקט
עליכם השלום אידעלעך
עטס האטס מיר געברענגט
קומט נאר כלל ישראל
אהיים פונקט ווי אמאל
אין אונזער היים ירושלים
יא יא יא איך בין שוין דא
שלום עליכם משיח
מיר האבן זיך געבענקט
עליכם השלום אידעלעך
עטס האטס מיר געברענגט
מארבע כנפות
אויפן טאטנ′ס שויס
אין אונזער היים ירושלים
יא יא יא ברוך הבא

שלום עליכם אברהם יצחק ויעקב
משה ואהרן יוסף ודוד
קומט נאר כלל ישראל
אהיים פונקט ווי אמאל
אין אונזער היים ירושלים
יא יא יא ברוך הבא