Haublääri Verspräche Songtext
von Troubas Kater

I stah vorem Bärg i mir Bedütigslosigkeit und lose
Anduurend di Gschichte wo när z Glück i d Hose geit
Ersuufe fasch i Biuder und i au denä Verzierigä
Vo haublääre Verspräche a mi säuber
Schützehiuf vor Eigernordwand das isch nur es Lied
Aber i Tat u Wahrheit weisi würklech vou nid was i wott
I luege über z Ämmitau ir ferni glogge Chüe
Es schmöckt nach Tannehouz im Füür
E Mueter rüeft de Ching zum Ässe
Im ne Singsang wo nur e Mueter cha aber si rüeft nid für mi
Mir hei ou nüt angers wöue mini Einsamkeit und ig

Ooh wi ni mis Läbe lang di Freiheit zelebriert
Und plötzlech schiint mer die so nutzlos
Und vor auem schiint sie läär
S isch nur e Uswiichsmüglechkeit
Sie stüüret ständig hin und här
Sie intressiert sech nid für mi
Es intressiert se würklech niemer


Mis haube Läbe lang die Freiheit vergötteret und prise
Aber zrugg cho isch nüt vo ihre

Uf der wiese stöh paar Schaaf u luege wullig über d Täler
Plötzlech dünkts mi dass no die freier gebore si aus ig
Trotz em Zuun, gits ke Ufgab gits ke Sinn
Gits ke Iisatz gits ke Gwinn
Gits e Zuefau gits e Drüsatz wo nid stimmt
Mmmh i bi so vor dir uf d Chnöi
Mir isch der Bode nümme treu
Verlouft u chnättet sech i Ton
Hie mis Wäutbiud zur Auktion

Ooh wi ni mis Läbe lang di Freiheit zelebriert
Und plötzlech schiint mer die so nutzlos
Und vor auem schiint sie läär
S isch nur e Uswiichsmüglechkeit
Sie stüüret ständig hin und här
Sie intressiert sech nid für mi
Es intressiert se würklech niemer

Mis haube Läbe lang die Freiheit vergötteret und prise
Aber zrugg cho isch nüt vo ihre


Freiheit isch nur es angers Wort für nüt me ha z verlüüre
Oder nüt meh angers z Tüe ha, das hani nie richtig verstange
Und ke Bock gha das ga z google irgendwie spiuts ou ke Roue
Mit de Sicherheite stirbt sie und mit ihre stirbt Vertroue
Mis haube Läbe lang die Freiheit vergötteret und prise
Aber zrugg cho isch nüt vo ihre
Mis haube Läbe lang die Freiheit vergötteret und prise
Aber zrugg cho isch nüt
Isch nüt vo ihre