Ar Cànan 's ar Ceòl Songtext
von Trail West

Thugainn a-nall air tionndadh an làin
Gu dùthaich nan Gàidheal ′s ar dualchas slàn
Ar n-eachdraidh 's ar ceòl cruinn còmhla gu teann
′S ar cànan a' lìonadh nan lochan 's nan gleann
Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan ′s ar ceòl
A′ dìreadh nan rathaidean le deòin dhan iar-thuath
Tha 'n cuan nar cluasan a′ riaghladh nan stuadh
Bidh brìodal na mara toirt spionnadh do chridh'
Is beartas don inntinn le sonas is sìth
Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan ′s ar ceòl
Cluinnidh sinn ann guthan aighearach binn
Le cànan nan Gàidheal air gach teanga san tìr
A' fead air feadh fearann agus sgaoileadh air seòl
Togaibh bratach nan daoine, ar cànan ′s ar ceòl


Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan 's ar ceòl
Chì sinn ar càirdean 's ar caraidean còir
Ar ceann-uidhe le fàilte cho luachmhor ri òr
Togaidh sinn glainneachan mòra an àird
A′ guidhe gach slàinte le briathran nam bàrd
Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan ′s ar ceòl
Soraidh slàn dhan tìr a chur cànan nar cridh'
Tha dòchas nan daoine mar dhuilleig sa ghaoith
Gun obair, gun chothrom, gun rìoghachd air ar cùl
Is mìltean thar linntean a′ siubhal an t-saoghail
Tha ar n-inntinn a' triall, ged tha sinn air chall
A′ dìreadh 's a′ teàrnadh nam beanntan ud thall
Tillidh sinn fhathast air latha buidhe blàth
Is seinnidh sinn còmhla ar cànan gu bràth
Ho ro ho ro
Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan 's ar ceòl
Ho ro ri li o, Ho ro ri li o
Ho ro ri li o, ho bhan o ri li o
Ho ro ri li o, Ho ro ri li o
Seinnidh sinn còmhla ar cànan 's ar ceòl