Cecilie Songtext
von Tom Roger Aadland

Når store, staute, sterke karar
Seier dei ikkje veit kor mykje meir dei klarar
Når du ber ei stille bøn og ingen svarar
Og det kjennest som om alt er endeleg
Om du må kvile deg, Cecilie
Må du gjerne gjere det hjå meg

Når allting ramlar rundt deg
Og det kjennest som om ingenting er unt deg
Når du rullar steinen din opp fjellsida og alle ropar: Skund deg!
Og du står i spagat og alle synest du tar for korte steg
Om du må kvile deg, Cecilie
Må du gjerne gjere det hjå meg


Når vinden riv og slit i teltet
Og har sloppe opp for store tre å velte
Når alle slaga som du får, er under beltet
Og andre ser på deg og synest dei sjølv har ordna seg
Om du må kvile deg, Cecilie
Må du gjerne gjere det hjå meg

Ein stad, ikkje langt frå her
Bur det ein som har deg kjær
Ein dag kan me ta ein tur
Sei meg, Cecilie, kva du trur

Når oppgåva er gedigen
Og dei som klatra opp rett før deg, trekte med seg stigen
Når alle bileta du tyr til, er frå krigen
Og du slit med å beskrive korleis allting tapar seg
Om du må kvile deg, Cecilie
Må du gjerne gjere det hjå meg