Twa Magicians Songtext
von Tibetréa

The lady stands in her bower door, as straight as willow wand
The blacksmith stood a little forebye, wi hammer in his hand

"Weel may ye dress ye, lady fair, into your robes o red
Before the morn at this same time, I′ll gain your maidenhead"

"Awa, awa, ye coal-black smith, woud ye do me the wrang
To think to gain me maidenhead, that I hae kept sae lang"

O bide, lady, bide, and he bade her bide
The rusty smith your leman shall be, for all your muckle pride
O bide, lady, bide, and he bade her bide
The rusty smith your leman shall be, for all your muckle pride

Then she has hadden up her hand, and she sware by the mold
"I wudna be a blacksmith's wife for the full o a chest o gold


I′d rather I were dead and gone, and my body laid in grave
Ere a rusty stock o coal-black smith my maidenhead shoud have"

Then he has hadden up his hand, and he sware by the mass
"I'll cause ye be my light leman for the hauf o that and less"

Then she became a turtle dow, to fly up in the air
And he became another dow, and they flew pair and pair

She turnd hersell into a ship, to sail out ower the flood
He ca'ed a nail intill her tail, and syne the ship she stood

Then she became a silken plaid, and stretchd upon a bed
And he became a green covering, and gaind her maidenhead

Was she wae, he held her sae, he bade her to be his wife
The rusty smith her leman was, for all her life
Was she wae, he held her sae, he bade her to be his wife
The rusty smith her leman was, for all her life