Maggio si ttu / Era di magio Songtext
von Teresa De Sio

Maggio, sì tu
Ca ′st'aria doce vaje prufumanno!
Quanta ccanzone faje cantà a ddoje vvoce!
Quanta suspire io manno!

Maggio, è pe′ tte
Mme stò facenno cchiù mateniero
Rrose e vviole a ll'alba stò cuglienno
Comm'a ′nu ciardeniere
Tu mme faje suspirà
′Mmiez'ê ciardine ′nfiore
"Si tuttecosa torna
Pure 'Ammore ha da turnà"

Era de maggio e te cadeano ′nzino
A schiocche a schiocche, li ccerase rosse
Fresca era ll'aria e tutto lu ciardino
Addurava de rrose a ciento passe


Era de maggio; io, no, nun mme ne scordo
′Na canzona cantavamo a ddoje vvoce!
Cchiù tiempo passa e cchiù mme n'allicordo
Fresca era ll'aria e la canzona doce

E diceva: "Core, core!
Core mio, luntano vaje!
Tu mme lasse, io conto ll′ore
Chisà quanno turnarraje!"

Rispunnev′io: "Turnarraggio
Quanno tornano li rrose
Si 'stu sciore torna a maggio
Pur′ a maggio io stongo ccà!

E sò turnato e mo, comm'a ′na vota
Cantammo 'nzieme la canzona antica
Passa lu tiempo e lu munno s′avota
Ma 'ammore vero, no, nun vota viche!

De te, bellezza mia, mm'annammuraje
Si t′allicuorde, ′nnanz'a la funtana
Ll′acqua, llà dinto, nun se secca maje
E ferita d'ammore nun se sana!


Nun se sana, ca sanata
Si se fosse, gioja mia
′Mmiez'a ′st'aria 'mbarzamata
A guardarte io nun starria!

E te dico: "Core, core
Core mio, turnato io sò!
Torna maggio e torna ′ammore
Fa′ de me chello che vuò!

Torna maggio e torna 'ammore
Fa′ de me chello che vuò!