El Fatra Di Songtext
von Tamer Ashour

بتخبط فيا الدنيا وبتوديني يمين وشمال
الفترة دي شفت أذية وشفت مآسي تهد جبال
وحياتي بقت مش هي وحتى الحال بقى غير الحال
بقى غير الحال

الضحكة اللي اتميزت أنا بيها الدنيا خدتها خلاص
قاسية الأيام اللي عليا ومش قادر أجاري الأحداث
واستنجد بس بمين وأنا واخد صدمة ف كل الناس
كل الناس، كل الناس


اليومين اللي إحنا فيهم كلوا بيحب الأذى
واللي يلقى حد طيب يعتبرها معجزة
اليومين اللي إحنا فيهم كلوا بيحب الأذى
واللي يلقى حد طيب يعتبرها معجزة، معجزة
معجزة، معجزة

ما بصدق أفوق من ضربة بلاقي وراها أنا ضربة كمان
كل اللي آمنته عليا خذلني محسسنيش بأمان
ف قرايتي لكل الناس الدنيا قالتلي إن أنا غلطان
إن أنا غلطان

وأنا صالب طولي وواقف كانوا ف ضهري كتير واقفين
أول ما الحال اتغير اتقلبت كل الموازين
واللي زمان كانوا معايا عليا قوام سنوا السكاكين
سنوا السكاكين، سنوا السكاكين


اليومين اللي إحنا فيهم كلوا بيحب الأذى
واللي يلقى حد طيب يعتبرها معجزة
اليومين اللي إحنا فيهم كلوا بيحب الأذى
واللي يلقى حد طيب يعتبرها معجزة، معجزة
معجزة، معجزة