Akash Rangharoni Songtext
von Suman Kalyanpur

आकाश पांघरुनी जग शांत झोपले हे
घेऊन एकतारी गातो कबीर दोहे
आकाश पांघरुनी...

गगनात हासती त्या स्वप्नील मंद तारा
वेलीवरी सुखाने निजला दमून वारा

कालिंदीच्या तीरी या जळ संथ-संथ वाहे
घेऊन एकतारी गातो कबीर दोहे
आकाश पांघरुनी...


भरला स्वरात त्याच्या भक्तीतला सुगंध
भरला स्वरात त्याच्या भक्तीतला सुगंध
ओठांत आगळाच आनंद काही धुंद

त्याच्या समोर पुढती साक्षात देव आहे
घेऊन एकतारी गातो कबीर दोहे
आकाश पांघरुनी...

काहूर अंतरीचे भजनात लोप होई
भक्तीत श्रीहरीच्या मन हे रमून जाई

उघडून लोचनांना तो दिव्य रुप पाहे
घेऊन एकतारी गातो कबीर दोहे
आकाश पांघरुनी जग शांत झोपले हे
घेऊन एकतारी गातो कबीर दोहे
आकाश पांघरुनी...