Off Season Songtext
von Stereo Luchs

Hundert Rösser, Modus Sport
Abe uf de Charte i ihrem schwarze Golf
Bis d′Strass am Wasser stoppt
Himmel milchig, Sunne truckt
Felder ziehnd verbi, Fenster halbe off
Benson Pack isch voll

Zigis und Soda, San Pellegrino
Sie stürt im Overall, ihri Nägel Rot
Ihre Gürtel Moschino
Ich DJ, mir trucked, trucked, trucked
Jerry Garcia
Verbi a Fabrike, zerschlagni Schibe
Früehner besseri Ziite

Min Sitz hine, Füess dobe, gits besseri Ziite?
Ihre Blick füre, mir rolled, ewigi Piste
Ohni Wort uf de Schnellstrass
AC uf 20Grad, AC uf 20Grad

Off Season


Boxestopp ime Motel, Abstiigi
Plastikstüehl ufem Vorplatz
Ich mach Barkeeper
Alti Stories im Schatte
Ihres Lache no s'gliche
Nacher Spielsalon, Dorfdisco, Schlagsiite

Schnitt, d′Hitz weckt eus unter de wisse
Liintüecher
Brummschädel
Mis Hirn schreit nach riesigem Iisbütel
Surrende Frigo mit nüt drin
Chum fahremer wiiter
Känne das Gsicht, Kafi mues ane
Fahremer wiiter

Ibu 400 zum Doppio, gits besseri Ziite?
Ihre Blick füre, mir rolled, ewigi Piste
Ohni Wort uf de Schnellstrass
AC uf 20 Grad, AC uf 20 Grad

Off Season

AC uf 20 Grad
AC uf 20 Grad

Wie früehner wirds nie meh
Aber alles guet
Wie früehner wirds nie meh
Aber alles guet