Wieder i de Schuel Songtext
von Stahlberger

Mir sind wieder i de Schuel
Plötzlich wieder i de Schuel

Dritti vierti Klass
Und üsi Lehrerin
Isch jetz chliner als mir
Plötzlich chliner als mir
Sie stoht vorne a de Tafle
Und schriibt irgend öppis
Und verzellt irgend öppis
Und zeigt Charte und Bilder
Aber niemer lost zue
Nume i los ihre zue
Di andere wüssed′s tenk scho
Oder glaubed nüme dra

Mir sind wieder i de Schuel
Plötzlich wieder i de Schuel


Dritti vierti Klass
Und üsi Lehrerin
Zeigt Folie
Und duss vor em Fenschter
Isch Johrmarkt
E Rieserad trüllt
Und e Frau
Mit eme Ballon i de Hand
Gheit use
Und Lüt springed häre
Sie bewegt sich nöd
Sie bewegt sich nöd

Und s Rieserad haltet
E Truube um d Frau
Jetz gseht me sie nüme
Aber öppis wo ufstiigt
De Ballon
Und i
Sitz nume do
I Sitz nume do

Mir sind wieder i de Schuel
Plötzlich wieder i de Schuel

Dritti vierti Klass
Und üsi Lehrerin
Isch jetz chliner als mir
Plötzlich chliner als mir