Lüt Uf Fotene Songtext
von Stahlberger

Lüt uf Fotene
I mine Albe
Verschwumme
Oder nume halbe
Im Hindergrund
Und am Rand
Laufed us em Bild
Stönd umenand
Ässed öppis
Lueged öppisem zue
Hend mit mir Gar nüt z tue
Mir am Match
Mir am Vesuv
Und sie sind eifach au no druf
Lüt i Städt
Lüt a Stränd
Woni gsi bi mol
Wo mir Fehri gmacht hend
Lüt uf Fotene
Woni nöd kenn
Wo eifach döt grad gsi sind denn


I uf Fotene
Irgendwo
Bi fremde Lüt
Am umestoh
Uf Cheminéesims
Eltere, Chinde
Im Hindergrund i
Am Schue binde
Vorne sie
Am Grimasse schniide
Hine i und d Pyramide
Hine i
Und anderi no
Lüt uf Fotene
Irgendwo

Lüt uf Fotene
I mine Albe
Verschwumme
Oder nume halbe
Lüt uf Fotene
Woni nöd kenn
Wo eifach döt drad gsi sind denn
Gsi sind denn