Iisfäld Songtext
von Stahlberger

Es isch immer s gliich
Zersch isch en riese Mais
Luter windigi Gstalte
Trüled sich im Kreis
Uf ere Flächi us Iis
Die isch unendlich wiit
Und mir sind zmitzt drin
Und s ander sind gar kei Lüt


Tier und Geischter sind′s au nöd
Vielicht eifach Bilder
Es wärded immer meh
Und sie tanzed immer wilder
Sie riissed üs mit
S Iisfäld kippt wird schmal
Es suugt üs inen Trichter
Inen Wasserfall
Und mir stürzed durs Tunkel
Und knalled is Häll
Inen schalltote Ruum
Läär und gääl