Chline Kreis Songtext
von Stahlberger

Mir träffed üs im chline Kreis
Mir sitzed uf Würfel us Plüsch
Ime runde Zimmer
Wo niemert weiss wo′s isch
Mir reded wichtigi Sache
Mir hend immer viel z bespräche Es trüllt sich viel um üsen chline Kreis
I üsem chline Kreis
Es trüllt sich schnäller und schnäller
Es truckt üs use an Rand
Es truckt üs dure dur d Wand
Und verstreut üs mit em Wind


Und mir flüged umenand
Ohni Ziel eifach so
Und irgendwenn irgendwo
Goht's wieder e Stäge durab und en Gang füre
Und mir gönd wieder dur e Türe
Und träffed üs im chline Kreis
Und sitzed uf Würfel us Plüsch
Ime runde Zimmer
Wo niemert weiss wos isch