Abghenkt Songtext
von Stahlberger

Si händ än Rucksack und ä Mappe
Si händ ä Schleife und än Huet
Si händ ä Tächlichappe
Si fahred Tram und spedet Bluet
Si treffed sich a de Bar
Si gönd zunenand uf Bsuech
Si laufed uf em Trottoir
Si schribed Tagebuech
Si singed imene Chor
Si chömed drus mit Wii
Si lueged uf de Monitor
Si schlafed vor em Fernseh ii
Si chömed mir entgäge
Am Bahnhof und im Bus
Uf de Stross und uf de Stäge
Dinä und Veruss
Aber i, ha mi wiit ewäg dänkt
Abhänkt
I ha mi wiit ewäg dänkt


Si händ e Wohnig im Tessin
Si schaffed i irnä Gärte
Si bruched en Aspirin
Si wönd alt werde
Si gönd go tschogge und go tschute
Si lütet mängmal aa
Si chömed uf′d Minute
Si säged "so so" und "aha"
Si blibed ligge im Bett
Si gönd ufene Reis
Si mached jedi Wett
Si lueged uf welem Gleis
Si chömed mir entgäge
Am Bahnhof und im Bus
Uf de Stoss und uf de Stäge
Dinä und Veruss
Aber i, ha mi wiit ewäg dänkt

Abghänkt

I ha mi wiit ewäg dänkt


Si stönd i dä Schlange
Si baued sich ä Näscht
Si händ ä gheims Verlange
Si lönd sich use uf Tescht
Si ässed Zmittag i de Stadt
Si güssed iri Planze
Si stönd vor em Automat
Si lerned sich känne bim tanze
Si schribed sich en Zedel
Si gönd zäme in Zoo
Si laufed dur de Näbel
Si versueched sich z' verstoh
Si chömed mir entgäge
Am Bahnhof und im Bus
Uf de Stross und uf dä Stäge
Dinä und Veruss
Aber i, ha mit äweg dänkt
Abghänkt
I ha mi wiit ewäg dänkt
Aber i, ha mi wiit ewäg dänkt
Abghänkt
I hami wiit ewäg dänkt