Wunschzädel Songtext
von Schtärneföifi

Wämmer zweimal z′Nacht verwacht, dänn isch glii wider Wienacht
D'Vanessa hät de Wunschzädel drum scho im Summer gmacht
Sie wünscht sich, dass sie Perle und es Ballchleid überchunnt
Ganz anderscht d′Valerie, die möcht es Velo und en Hund

De Wunschzädel vom Tarzan isch churz
Er wünscht sich nur en neue Ländeschurz
Im Gägesatz zu däm vo de Grazia
Sie will nämlich de ganzi Lade ha

S'git Chind, wo dänked, s'beschte Gschänk, das seg im gröschte Pack
Das stimmt aber nöd, es händ nöd all de gliichi Gschmack
Mängisch isch es gar nöd eifach, dass me s′richtige findt
Aber was Erwachsni bruched, das weiss jedes Chind

Zeichnige mit Summervögel und aagmalti Chleiderbügel
Und mindischtens no 14 sälber zogni Cherze
Sälber gmachti Chuchiuhre, sälber brännti Tonfigure
Und was bruucht de Lehrer? En Huufe Briefbeschwärer


De Wunschzädel vom Roger isch lang
Wer söll das alles chaufe? S′wird eim angscht und bang
Au d'Lischte vo de Livia isch kompliziert
Well si all zwei Minute wieder gänderet wird

Chli tüür wird′s mit em Wunschzädel vom Fritz
Dä möcht es Cabriolet mit wiisse Lädersitz
Vill eifacher de Wunschzädel vom Franz
Dä wünscht sich eifach nur en dicke Häfechranz

S'git Chind, wo dänked, s′beschte Gschänk, das seg im gröschte Pack
Das stimmt aber nöd, es händ nöd all de gliichi Gschmack
Mängisch isch es gar nöd eifach, dass me s'richtige findt
Aber was Erwachsni bruched, das weiss jedes Chind

Zeichnige mit Summervögel und aagmalti Chleiderbügel
Und mindischtens no 14 sälber zogni Cherze
Sälber gmachti Chuchiuhre, sälber brännti Tonfigure
Und was bruucht de Lehrer? En Huufe Briefbeschwärer

Sälber knüpfti Halschettene, sälber gfärbti Serviette
Und es Mobile us gschmulzne Joghurtbächer
Sälber gmachti Cherzeschtänder, Bilderrähme, Tierkaländer
Und was bruucht de Vater? E Schäreschnitt-Grawatte