Tunnel uf Auschtralie Songtext
von Schtärneföifi

Uf de Stross bim Schuelhuus obe stoht en Bagger zmitzt im Wääg
Dä grabt det es Loch in Bodä, dä grabt scho sit fascht drüü Täg
Git das echt en grosse Brunne? S′het scho vil Lüüt wundergnoh
De Bagger isch scho ganz tüüf une und s'weiss niemert recht wieso
Ich ha natürlich gfröget, aber

Dä Maa im Bagger het sich nöd störe loh
Und dä nebeddra het mi nöd welle verstoh
De mit em Helm het ke Ahnig gha
Aber öpper het′s denn glich gwüsst: en alte Maa

Dä Bagger macht es Loch, das git es Tunnel uf Auschtralie
Denn chammer endlich z'Fuess det hi und muess nöd extra s'Flugzüg näh
Das git es Tunnel quer dur d′Berge
Und muess bis z′Obig fertig werde


Dä Bagger macht es Loch i d'Wise, de Bagger macht es Loch i d′Stross
Er macht es Loch, s'chunt nöd druffaa, öb Erde, Beton oder Gras
Es got wie Butter dur de Lehm, s′isch glich, öb Wurzle oder Stei
Aber weiss mer, was es git? D'Antwort, die isch leider nei
Ich ha natürlich gfröget, aber

Dä Maa im Bagger het sich nöd störe loh
Und dä nebeddra het mi nöd welle verstoh
De mit em Helm het ke Ahnig gha
Aber öpper het′s denn glich gwüsst: en alte Maa

Dä Bagger macht es Loch, das git es Tunnel uf Auschtralie
Denn chammer endlich z'Fuess det hi und muess nöd extra s'Flugzüg näh
Das git es Tunnel quer dur d′Berge
Und muess bis z′Obig fertig werde

S'Tunnel isch nöd fertig worde, s′isch vil z'wenig tüüf das Loch
Ich bi go luege hüt am Morge, aber öppis boueds doch
S′Loch wird jetzt mit Beton gfüllt, es chunt es grosses Huus det hi
Und wenn alles fertig isch, denn zieht es Reisebüro i

Die sind natürlich froh, git's do keis Tunnel uf Auschtralie
Süss chöntet d′Lüüt jo z'Fuess det hi und müessted gar keis Flugzüg näh
Nei, die wäred nume is Loch abegfloge
Denn mich dunkts: De alt Maa het gloge