Ravioli us de Büchs Songtext
von Schtärneföifi

S′hät en Chlumpe Froschlaich im Tümpel gha
Und me hät scho gmärkt, es cha nümme lang gah
Dänn schlüüfed us däm Laich ganz chliini
Dunkelbruuni Froschbambini

Was söll dänn das si, Froschbambini?
Die heissed anderscht, das sind chliini
Rosschöpf, Rossnegel oder Kaulquappe
Mit Schwänz wie winzigi Zipfelchappe

Also guet, aber jetz sind's gschloffe
Und d′Eltere chönd numme hoffe
Dass di Chliine nöd alli schtärbed
Und zum Znüni gfrässe wärded

Well Frösch sind ganz extrem beliebt
Als Fäschtässe für di andere Tier
Schtörch und Schlange, Fisch und Füchs
Händ lieber Frösch als Ravioli us de Büchs


He lueg, jetz händs scho Hinderbei
Und dänn chömmed di vordere zwei
Es wachst en Chopf und de Schwanz verschwindt
Jetz gseht me, dass es chliini Fröschli sind

Zerscht schwümmed's im Wasser, dänn chrüücheds as Land
Si gumped am Ufer chrüüz und quer umenand
Di chliine Frösch müend aber guet ufpasse
Es hät Froschfrässer am Land und im Wasser

Also guet, aber jetz sind's gschloffe
Und d′Eltere chönd numme hoffe
Dass di Chliine nöd alli schtärbed
Und zum Znüni gfrässe werded

Frösch sind ganz extrem beliebt
Als Fäschtässe für di andere Tier
Schtörch und Schlange, Fisch und Füchs
Händ lieber Frösch als Ravioli us de Büchs

Frösch sind ganz extrem beliebt
Als Fäschtässe für di andere Tier
Schtörch und Schlange, Fisch und Füchs
Händ lieber Frösch als Ravioli us de Büchs


Frösch sind ganz extrem beliebt
Als Fäschtässe für di andere Tier
Schtörch und Schlange, Fisch und Füchs
Händ lieber Frösch als Ravioli us de Büchs