Happy End Songtext
von Schtärneföifi

D′Luft isch warm gsi, s'Wasser klar, drum isch e Rieseschlange
Vor 150 Millione Jahr in See go bade ggange
En junge Stegosaurier hät au aagfange schwitze
Und dänkt, er chönnt im schöne Wätter chli is Wasser sitze

Mal ganz ehrlich, das isch gföhrlich, das isch e riskanti Gschicht
Nur wänn sich alli Müeh gänd, gits es Happy End
Mal ganz ehrlich, das isch gföhrlich, das isch e riskanti Gschicht
Nur wänn sich alli Müeh gänd, gits es Happy End, vilicht

De Stegosaurus hät e Schwöschter, die laht d′Füess is Wasser hange
Luegt wie ihre Brüeder göötschet und dänn gseht sie d'Schlange
Sie fangt sofort aa göisse, dass es i den Ohre lüütet
Ihre Brüeder, dä veschrickt, er weiß, was das bedüütet

Er gumpt as Land, so gschnäll er cha, und d'Schlange fangt aa hetze
Mit ihrne Zäh cha sie en no ganz knapp am Bei verletze
Am Ufer grast zum Glück e ganzi Stegosaurier-Herde
Und drum git d′Schlange uf, es chönnt für sie suscht bränzlig werde


Mal ganz ehrlich, das isch gföhrlich, das isch e riskanti Gschicht
Nur wänn sich alli Müeh gänd, gits es Happy End
Mal ganz ehrlich, das isch gföhrlich, das isch e riskanti Gschicht
Nur wänn sich alli Müeh gänd, gits es Happy End, vilicht

De Stegosaurier isch grettet, dank sinere grosse Schwöschter
Und en Pterodactylus schlaaft uf sim Bei als Pflaschter
Acht Schtund mues er uf d′Wunde sini Flügel drüber chläbe
So cha sin Fründ de Aagriff vo de Schlange überläbe

D'Luft isch chalt gsi, s′Wasser trüeb, und de Himmel ehner grau
Nach so furchtbar langer Ziit weiß mes ja nümme so genau
Aber zimmli sicher isch die Gschicht mit däre Schlange
Vor 150 Millione Jahr dänn doch no guet uusggange

Mal ganz ehrlich, das isch gföhrlich gsi, e riskanti Gschicht
Aber s'händ sich alli Müeh ggäh, s′git es Happy End
Mal ganz ehrlich, das isch gföhrlich gsi, e riskanti Gschicht
Aber s'händ sich alli Müeh ggäh, s′git es Happy End

Es Happy End
Es Happy End, vilicht