De Zirkuselefant Ferdinand Songtext
von Schtärneföifi

Am Zischtig scho isch en Wanderzirkus cho
Und mit debii en chliine Elifant, de Ferdinand
Geschter z′Nacht hät er sin Schtall ufgmacht
Er isch eifach usecho, in Wald ie und devo

Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom
De Ferdinand hät sin Rucksack packt und mit em Rüssel gwunke
Und so luut trumpetet wienes Poschtauto

Sit zwei Jahr oder sit drüü sogar
Hät er jedi Nacht im Zirkus tanzet, dass es kracht
Und er am Trapez, das hät me müesse gseh
Aber er hät nümme welle, kei Kunschtückli meh

Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom
De Ferdinand hät sin Rucksack packt und mit em Rüssel gwunke
Und so luut trumpetet wienes Poschtauto


De Ferdinand isch verschwunde, sin Wage isch läär
De Ferdinand isch furt, es hät en niemert gseh sither
Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom

De Ferdinand, de Zirkuselifant
De suecheds ganz verzwiiflet überall im ganze Land
Sie ränned umenand und rüefed: "Ferdinand"
S'git uf de Wält nur ein so elegante Elifant

Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom
De Ferdinand hät sin Rucksack packt und mit em Rüssel gwunke
Und so luut trumpetet wienes Poschtauto

De Zirkus isch nümm s′gliiche ohni Ferdinand
S'git uf de Wält nur ein so elegante Elifant

Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom
De Ferdinand hät sin Rucksack packt und mit em Rüssel gwunke
Und so luut trumpetet wienes Poschtauto

Am Zirkuselifant Ferdinand, däm hät de Zirkus gschtunke
Er isch us sim Schtall us gschtampfet, wom-pom-pom
De Ferdinand hät sin Rucksack packt und mit em Rüssel gwunke
Und so luut trumpetet wienes Poschtauto