Evvaru Yemanna Songtext
von R.P. Patnaik & Usha

ఎవ్వరు ఏమన్నా మారదు ఈ ప్రేమ
ఎవరూ రాకున్నా ఆగదు ఈ ప్రేమ
నెత్తుటి కత్తికి ఏనాడూ లొంగదు ఈ ప్రేమ
మెత్తని మనసును ఏ రోజు వీడదు ఈ ప్రేమ
కులము మతము లేవంటుంది మనసుకి ఈ ప్రేమ
నింగీ నేల ఉన్నన్నాళ్ళు ఉంటుందీ ప్రేమ
ఎవ్వరు ఏమన్నా మారదు ఈ ప్రేమ
ఎవరూ రాకున్నా ఆగదు ఈ ప్రేమ

(ACVL)

కాలమొస్తే సిరిమల్లె తీగకి చిగురే పుడుతుంది
ఈడు వస్తే ఈ పడుచు గుండెలో ప్రేమ పుడుతుంది
గొడుగు అడ్డుపెట్టినంతనే వాన జల్లు ఆగిపోవునా
గులకరాయి వేసినంతనే వరద జోరు ఆగిపోవునా
ఏడు లోకాలు ఏకం అయినా ప్రేమను ఆపేనా


ఎవ్వరు ఏమన్నా మారదు ఈ ప్రేమ
ఎవరూ రాకున్నా ఆగదు ఈ ప్రేమ

(ACVL)

ప్రేమ అంటే ఆ దేవుడిచ్చిన చక్కని వరమంట
ప్రేమ ఉంటే ఈ మనసుకెప్పుడూ అలుపే రాదంట
కండలెంత పెంచుకొచ్చినా కొండనెత్తి దించలేరుగా
కక్షతోటి కాలు దువ్వినా ప్రేమనెవ్వరాపలేరుగా
ప్రేమకెపుడైనా జయమే కానీ ఓటమి లేదంట

ఎవ్వరు ఏమన్నా మారదు ఈ ప్రేమ
ఎవరూ రాకున్నా ఆగదు ఈ ప్రేమ
నెత్తుటి కత్తికి ఏనాడూ లొంగదు ఈ ప్రేమ
మెత్తని మనసును ఏ రోజు వీడదు ఈ ప్రేమ
కులము మతము లేవంటుంది మనసుకి ఈ ప్రేమ
నింగీ నేల ఉన్నన్నాళ్ళు ఉంటుందీ ప్రేమ
శాశ్వతమీ ప్రేమ...