BYPA Songtext
von Rodrigo Cuevas

Baxando yo pela aldea
Sentí un paxarín cantar
Detrás de Casa Pericu
Na pica una cerezal

¿Qué paxarín será esi
Que tien el picu mariellu?
Y esi que llamen cuquiellu
Ye familia del raitán

Y ye una delicia tar
De veranu nuna aldea
Y nuna casina d′eses
Arrudiada d'arbolea


Y cuando sale l′aurora
Sientes el mirlu cantar
La zarrica y el pinzón
Y el veranín y el raitán

Tamíen canta la calandria
Y el malvís y el verderán
Y encima un pegoyu l'horru
Sientes chillar al gorrión

Y esi siempre canta igual
Porque nun sabe otru
Cría debaxu les teyes
Compañeru del ratón

¿Y ónde ta Pachu Pericu?
Y ta ellí detrás del corral
Cabruñando la guadaña
Pal veranu trabayar


Y ahora vienen les andeches
De sayar y de arrendar
Y comer les patatines
A la oriellina del llar