Uf mim Sofa Songtext
von Plankton

Ich überleg mir jede Tag was ich no alls chönnt mache
Was d′Möglichkeite wäred, s'git doch zig tuusig Sache
Ja nur scho hüt und morn chönnt ich so vill realisiere
D′Ideä wäred da, ich müesst si nur no usfüehre

Ziit hett ich eigentlich ja gnueg
D'Vorussetzige wäred also guet

Doch leider, leider isches so bequäm uf mim Sofa
Und s'Nüt-tue fallt eim da unändlich liecht
Ich wünsch mir mängisch s′wäri nid so schön uf dem Sofa
Will ich dänn vilicht au mal öppis miech

Ich chönnti bischpiilswiis mal mini Kondition trainiere
Chönnt aktiv werde und min innre Schweinehund kaschtriere
Ich chönnti Büecher läse, mini Wüssenslugge fülle
Chönnt Lieder schriibe wo′s au mal am Radio würed schpile


Ich glaube fasch ich hett sogar s'Talänt
Nur isch mini Sälbschtdisziplin inexischtänt

Ja leider, leider isches so bequäm uf mim Sofa
Und s′Nüt-tue fallt eim da unändlich liecht
Ich wünsch mir mängisch s'wäri nid so schön uf dem Sofa
Will ich dänn vilicht au mal öppis miech

Mängisch bin ich niidisch
Uf s′Läbe vonre Raupe
E Raupe isch zwar weder schön no gschiid
Doch im Gägesatz zu mir chan si de ganzi Tag verschlafe
Und gliich wird si en Summervogel sii
Si wird irgendwänn en Summervogel sii

Si wird irgendwänn en Summervogel sii
Si wird en Summervogel sii
Si wird irgendwänn en Summervogel sii
Si wird en Summervogel sii