Lärche Songtext
von Paul Plut

Wir drahn uns uman Bam
Du lafst und i bleib steh
Du host koa Ongst vorm Sterbn
Sog wovor fiachst du di

Vor oim wos guat is in da Wöt

In Johnny drahts im Tram
Kimm drah di moi fia mi
Du brauchst koa Angst nit hobn
Wenns di schleidat fong i di


Ois wos guat is in da Wöt
Konnst in a Tuchant aus Lärchnhoiz legn
Wenns koit is in da Nocht
Werd i mi dazua legn

Du drahst di in deim Tram
Mechst tonzn singa fliagn
Kriag doch no Ongst vorm Sterbn
Loss mich jetz net aloa

Mit oim wos guat is in da Wöt

In Johnny drahts gengan Bam
Draht sis letzte Moi fia mi
Er braucht koa Ongst mehr hobn
Wor sofort hi


Ois wos guat is in da Wöt
Konnst in a Tuchant aus Lärchnhoiz legn
Wenns koit is in da Nocht
Werd i mi dazua legn