Mafia Songtext
von Palina

Мы гуляемся ў мафію
Каб забыць пра Сусьветную Лажу
Учора хаваўся ў шафе я
Сёньня я з шафы вылажу

Ціха ноч падкрадаецца
Коткай пароды корат
Калі засынае горад –
Мафія прачынаецца

Цені паўзуць па сьцяне
Звабныя, як парнаграфія
Горад залёг у сьне
Толькі ня дрэмле мафія


З-пад драпежніцкіх іклаў
Сочна пырскае кроў
Горад даўно ўжо звыклы
Губляць сваіх жыхароў

Хтосьці кагось не далічыцца
Хтосьці кагось не даклічацца
Хтосьці кагось не далічыцца
Хтосьці кагось не даклічацца
Але цябе і мяне
Гэта пакуль не датычыцца

Гэта пакуль
Гэта пакуль
Гэта пакуль
Не датычыцца