Law Songtext
von Mohammed Fouad

كل واحد مننا ليه ماضي ليه ذكري
قلبك قسي ولا نسي أكيد عينيك فاكرة

هأبعد وأسيبك للزمن والدنيا ولبكرة
ولو عايز تفتكرني
غمض عينك دقيقة
وانت تلاقي الحقيقة

آاااه لو


رجعت شريط حياتك
قلبت في ذكرياتك
رجعت شريط حياتك
قلبت في ذكرياتك
هتلاقي حبيب وفى لك
حققلك كل آمالك
ياما شال البسمة من فوق شفايفه عشان يديهالك
كان هو الدفا والبرد
كان حضنه جناين ورد
كان حابب فرحك ووقت جرحك
كان يبكي بدالك
ولو عايز تفتكرني
غمض عينك دقيقة
وانت تلاقي الحقيقة
آاااه لو

رجعت شريط حياتك
قلبت في ذكرياتك

لو انت حبيبي بجد
كنت عاتبني تعالى حاسبني
قبل ما تبعد ولا تسيبني لوم واعتب عليا
لو انت حبيبي بجد
ما تسيبنيش ما تبيعنيش ما تخليش الدنيا
انت وهي عليا
لو انت حبيبي ما تتخلاش عن قلبي في جرحه
تبقي معاه في عذابه
وناره وألمه وفرحه
وزي ما كان بيسامحك قلبي ما كنت تسامحه
ولو عايز تفتكرني
غمض عينك دقيقة
وانت تلاقي الحقيقة

آاااه لو
رجعت شريط حياتك
قلبت في ذكرياتك


هو عشان حبيتك واتمنيت وهويتك
أدفع تمن الحب عذابي وسهر الليالي
ولا عشان مش قاسي أعز حبايبي وناسي
يجرح فيا وتبكي عنيا وما يحسش بحالي
أنا مش هقدر ألومك ع ال عملته معايا
أنا وعنيا وقلبي هنرضى بأي نهاية
همشي وأسيبك للأيام وحسابها كفاية
ولو عايز تفتكرني
غمض عينك دقيقة
وانت تلاقي الحقيقة
آااااه لو