Nur Du Songtext
von MC Rony

Ich griff zu Dir wenn′i s'Gfühl ha das nur Du mir Kraft gisch
Nur Du mi verkraftisch will Du am Düüfel si Saft bisch
Dini Macht isch, so unergründlig wie taggtisch
I find Di an jedere Egge billig und praggtisch
Jede dringgt für Gnuss oder Prophylaxis
Mänggmol schtellsch mr jede J in Schatte
Kunnsch weich wie Watte
Und zeigsch Mr e Lääbe ohni Schtress
Noch meh CD′s und Platte
Losisch mir au denn no zue
Wenn Du scho längschtens leer bisch
Und schtroofsch Mi, wenn'i z'vil vo Dir nimm
So das es mir e Lehr isch
Mir isch klar, das Du zerschpringsch Wenn′i Di nit guet fescht heb
Ich ha Di scho gnueg vom erschte Schlugg
Bis zum Schärbehüffeli teschtet
S′isch nur so, das Du bald dääglig Mi frässi
Und au mi Muet suechsch
Trotzdäm bisch keine vo Dene
Wo duurend frogt, ob Du Aim guet duesch
Du bisch wie'ne Alti Fründschaft
Wo kei Missverschtändnis kennt
Und immer zur Schtell
Wenn′i e digge Hals bekumm oder mi Seel flennt
In Truur noch bessere Lösige flehend
Innerlig Toobend und noch Usse bald scho Beebend
Aber das alles macht Mi nonig sehend


Du machsch eim voller je leerer me isch kumm zu mir
Dini Jünger mache alles für Di und wärde Irr
Mit Dir feschtet Fründ und Feind vereint
In dr Meinig, s'gäb in Dinere Aawäseheit
Numme no halb sovil Leid
Doch umso schnäller isch alles verby, Mann
S′isch wie'ne Ego-Shooter Game bim Kilian
Wie im Schpiel nur ohni Restart Knopf, so real als ob
Mr e Wält hätte ohni Autos, aber trotzdäm e Fahrverbot

Und grad wo Mr in Sinn kunnt s′Läbe isch hart
Schpüür'i Dini Hand uf Minere Schultere
Und mergg, Du bisch no vil härter am Schtart
Mit Dim Schtärggere Arm
Schtützisch s'Schlachtross wo lahmt, Machtloos und Schtarr
Du Gwünnsch, solang ich zu Dir heb Obwohl Du merggsch, i bi arm
Sugsch Mi leer und leerer, bevor Du Mi wider erfüllsch
Und überhaupt luegsch zu all Dine Schoof, genau so wie Du das söllsch
Du wirdsch promotet in Allne Medie
Wenn au verschteggt, mir checke das eh nie
Wenn Eine wäge Dir verreggt, was sölls? Nur Eine weniger
Solang au dr Filz meint, an Dir sig no öbbis Nobels dra
Kasch Du nit schtärbe, wirdsch Du so ewig Di Nochwuggs ha
Sit Joohrhunderte scho, bisch Du de Mensche treu
Wirdsch au mi nie verlo, zwingsch mi bi jedem Träff ufs Neue in d′Kneu
Sälbscht vor Dir sin Alli Glyych, ob Jung, Alt, Arm oder Ryych
Vergisch mr wortloos, wenn ich Dir unter Trääne mini Sünde byycht
Z′letscht blibt nur die Isigi Kälti, wenn me mit und Näbe Dir iiniggt
An jedem Daag dr'noch bruch′i Wärmi und i Dangg Dr für dä iibligg

Du machsch eim voller je leerer me isch kumm zu mir
Dini Jünger mache alles für Di und wärde Irr
Mit Dir feschtet Fründ und Feind vereint
In dr Meinig, s'gäb in Dinere Aawäseheit
Numme no halb sovil Leid
Doch umso schnäller isch alles verby, Mann
S′isch wie'ne Ego-Shooter Game bim Kilian
Wie im Schpiel nur ohni Restart Knopf, so real als ob
Mr e Wält hätte ohni Autos, aber trotzdäm e Fahrverbot
Du machsch eim voller je leerer me isch kumm zu mir
Dini Jünger mache alles für Di und wärde Irr
Mit Dir feschtet Fründ und Feind vereint
In dr Meinig, s′gäb in Dinere Aawäseheit
Numme no halb sovil Leid
Doch umso schnäller isch alles verby, Mann
S'isch wie'ne Ego-Shooter Game bim Kilian
Wie im Schpiel nur ohni Restart Knopf, so real als ob
Mr e Wält hätte ohni Autos, aber trotzdäm e Fahrverbot