O Nighean Donn nan Gobhar Songtext
von Mary Jane Lamond

Ged a tha mi ′nochd 's a′ chòisridh
Maille ri fleasgaichean bòstail
Nìonagan cho rìomhach, spòrsail
Le sìoda, le sròl a' danns'

Ò, nighean donn nan gobhar
È, nighean donn nan gobhar
Trom m′ inntinn is mi nad dheoghaidh
Bòidheach, laghach, mo nighean donn

Nìonagan cho rìomhach stràiceil
′S beag a chuir mi dh'ùigh ′n an àbhachd
'S mòr gum b′ annsa leam bhi mànran
Riut, a ghràidh, air sgàth an tuim

Ò, nighean donn nan gobhar
È, nighean donn nan gobhar
Trom m' inntinn is mi nad dheoghaidh
Bòidheach, laghach, mo nighean donn


′S mòr gum b' annsa leam bhi sùgradh
Leis an nìonag chaoin-ghil', chùil-duibh
Anns an doire, goir an smùdain
Bun an stùic air ùrlar glinn

Ò, nighean donn nan gobhar
È, nighean donn nan gobhar
Trom m′ inntinn is mi nad dheoghaidh
Bòidheach, laghach, mo nighean donn

′S ann leam fhìn bu bhinne chòisridh
Anns a' mhadainn Chèitein cheòthar
Uiseagan os cionn na lòintean
Smeòraichean air meòir ′s a' choill

Ò, nighean donn nan gobhar
È, nighean donn nan gobhar
Trom m′ inntinn is mi nad dheoghaidh
Bòidheach, laghach, mo nighean donn

Siod an ceòl bu bhinne chualas
Luinneag fòil aig bannal ghruagach
'G iomain a′ chruidh-laoigh dhan bhuaile
Cuach as buarach air an druim


Ò, nighean donn nan gobhar
È, nighean donn nan gobhar
Trom m' inntinn is mi nad dheoghaidh
Bòidheach, laghach, mo nighean donn

Lasadh mo chridh' le gràdh dhuit
Nuair a nochdadh tu air fàireadh
′S tu cho geal ri cobhar sàile
A′ tighinn gu tràigh air bhàrr na tuinn

Ò, nighean donn nan gobhar
È, nighean donn nan gobhar
Trom m' inntinn is mi nad dheoghaidh
Bòidheach, laghach, mo nighean donn

Ò, nighean donn nan gobhar
È, nighean donn nan gobhar
Trom m′ inntinn is mi nad dheoghaidh
Bòidheach, laghach, mo nighean donn