En akordo Songtext
von Martin & la talpoj

Ĝi finfine estas for
La ŝtono en la brusto
Ĝis revido al dolor′
Ekde aŭgusto

Venu nova energi'
Por problemoj novaj
La malnovajn lasas mi
Al la ĉionpovaj

Ĉu mankas iluzi′?
En akordo, en ordo por mi
Ĉu vi iros kun la pli'?
En akordo, en ordo por mi

Kiel fremda estas viv'
Nenion mankas
Venu agoj sen motiv′
Papero blanka


Venu nova energi′
Venu varmaj ondoj
Jen ni staras, vi kaj mi
En malsamaj mondoj

Ĉu mankas iluzi'?
En akordo, en ordo por mi
Ĉu vi iros kun la pli′?
En akordo, en ordo por mi

Kaj vespere venas sonoj de ludanta infanar'
Miksiĝantaj en la aero kun la vento de la mar′
Kaj mi sidas kun gitar'

Venu nova energi′
Venu varmaj ondoj
Jen ni staras, vi kaj mi
En malsamaj mondoj

Ĉu mankas iluzi'?
En akordo, en ordo por mi
Ĉu vi iros kun la pli'?
En akordo, en ordo por mi