Muiñeira de Dorinda Songtext
von Malvela

Aparta, loureiro verde, deixa clarexar a lúa
Se non vexo os meus amores, non vexo cousa ningunha
Non quero zapato baixo que se me enterra na area
Non quero amores de lonxe que os teño na miña aldea

Ai, la, la, lálara, ai, la, lálara

Paxariño millarengo, non me comas as cereixas
Que o meu marido está fora, non teño a quen dar as queixas


Eu non sei o que me deches que non te podo olvidare
De día no pensamento, e de noite no soñare

Ai, la, la, lálara, ai, la, lálara

Quen che dixo, pau de buxo, que servías pra culleres
As mentiras son dos homes, e as verdades das mulleres

Penar por quen non te quere é levar augas ao río
Non é só perder o tempo senón tamén o sentido

Ai, la, la, lálara, ai, la, lálara