Taekwent n Tegrawla Songtext
von Lounès Matoub

Lemmer di yetteε lxaṭer
Ddiq deg wul m′ad-yili
A nettweḥḥid netḥeyyeṛ
Imɣi n ṣṣwab a ifetti
Agwni n liser mi ɣ-d-iḍheṛ
Nettḥiri a t-nerr d asuki
Negguma a nwexxeṛ i lewhi
B-bwidak i ɣ-yesmunedlen
Ula t-tamaziɣt nni
I nenwa ara ɣ-yesduklen
Bḍan-tt arkw d leqsabi
Lqerra mačči yiwen

A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ
A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ


Ad aɣ-d-immager usawen
Leqbayel si zzman akka
Di tegmatt i deg i tt-uɣen
Acḥal n yergazen at ṣṣfa
Nesɣim-asen-d nekkes-iten
Amek ara ɣ-yebru facal
Amek ara nqabel azekka
Ma nekna i uhubbu n temsal
Aεdaw ur ɣ-izeggel ara
Akken a d-nerret i ccetla azal
A-nḥelles a-nbeddel ssira

A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ
A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ

Mi ɣ-tekkes tuqqsa usemmiḍ
Tayeḍ a tt-id-nesnulfu
Yeggumma a ɣ-yeffeɣ yiṣṣiḍ
Nefhem izedɣ-aɣ waḍu
Deg yeẓri n leğnas nettɣiḍ
Qqaren-as amek ara tefru
Neẓra assen m'ara tefru
A tt-ɣellten wid tt-iceεlen
Ma d wid yebbwin ddeεwessu
Lfeṛḥ-is ur s-ḥeddṛen
A d-tegwri tağğalt tettru
At-tezzağğaw deg meṭṭawen


A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ
A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ

D tteɣzizat i ɣ-yenɣan
Nettṛebbi afud i tismin
Gar-aneɣ argaz mi d-iban
A d-nexleq deg-s amqennin
D winna i kwen-iğğan εeryan
Uma ara-d-zedmen lesnin
Akka I-ttigrawliwin
Ulact ur nesεi akarfa
D win akken yeddurin
I yesburren tarakna
Ara mmaggren-t taɣratin
M′ad-yekfu dderz lfetna

A wid nectaq dayen iduv ṛṛuḥ
D lawan anemsefraq, acḥal ssa3a a-nruḥ