Lettre ouverte aux... Songtext
von Lounès Matoub

Ur ttgalla ur ḥennet
Deg wayen deg ur tettḥeqqeḍ ara
Ur ttamen ṣṣaba ar tterwet
Imiren adder-d lɣella
Ahbuh!

Kečč tetturebbaḍ i ccwal
Tbeddleḍ laṣel-ik s tejɛal
Amek I tt-tenwiḍ tagara
Am win yectaqen aserwal
Yal amḍiq yefsi axellal
Ad ḥṣun medden attan yesɛa

Ah aya gujil n wawal
Tɣilleḍ ttar ak-id yuɣal
Mi-ss-tenniḍ "Nɛarbuha"
Macci d kecc i-d-iyi-cqan
Ur teggareḍ di lḥemṣa


I-d-iyi-ɣaḍen d Bu Ɛednan
D yergazen at lbaḍna
Acu i txuṣṣeḍ ay-aɛeryan
Ma t-tixutam i k-d-ihwan
Ttadamun ula-ɣ-d-iǧa

Wissen At-Yenni ma stufan
I lebɣi-k ad ḍummen amekkan
Ag-d garzen tazibba
Tixsi ɣef akken i-d-ḥkan
Nnan d idammen-is I tt-inɣan
Neɣ amar d timucuha

Terwi tebberwi
Yegguma a d-iḍheṛ yexf-is
Terwi tebberwi
Ur taɛqil Faḍma argaz-is
Aḥlil

Tidett iyaw a tt-nemyeḥkut
Tidett iyaw a tt-nemyeḥkut
A nefk ttriḥ I lekteb
Ayen akk a yezzelzen tamurt
Yessen-it kan win ten-jaṛṛeb


Wiyaḍ nniḍen
Ɣran neɣ sebken
Cban zzeyar yuḍnen
Mi ten-id-yezzuzen ṭṭaleb
Ayen d-ilulen seg ukabar-nsen
Xas d agejdur ad t-leqmen
W iṭṛaman a ten-iqerreb

Tidett attan di tmurt-iw
Zzur fell-as yeckunṭeḍ
Ula d ayen ẓrant wallen-iw
A qqaren a teshetrifeḍ
Snefsit laɛqel
Kkset-as cckel

Di ddiq tagmatt tennukbel
D asfel d lɛib ad tt-nenneḍ
Muqlet mebɛid ttxil-wat
Wigi la ineqqen banen
I leḥkem ẓẓayit tuyat
Ur sɛin ɣef ayeg ara ḥiren

Faqen s uzekka
Ur ten-iḍemmen ara
Tetɣebbel a tzehher tlafsa
Xelqen-tt-id deg-s ɛewqen

Amek ara tḥemmeleḍ
Taqcict deg ur k-d-iban wara
Amek ara tezreḍ
Ayen akken lḥijab yerba

Ur ten-ttamenet!
D iɛdawen n tudert
Urɛad tt-ṭṭfen neḥraret
Ma ṭfen-tt ad tenger tekfa

S citṭuḥ n ṣ̣wab maḍi, maḍi
Leɛtab ur t-id-nettader
Anda yella uqbayli
Ad t-neqsed ad t-nesseḥḍer

Ur qeblen tigi
Ayen nettnadi
Ad ɣ-d-yettwabeggen s tehri
S yis abrid ad t-nendjer

N da neɣ n wedrum-adi
N Tqubɛin neɣ n At Ziki
Idles-nneɣ d anagi
D aẓar-is ara neḍfer

Imesḥaf-agi
Ma mačči d nekni
Ara sen-yesseɛtben tikli
Ddewla ad sen-tefk azuɣer

Tecfam-d?
Tecfam-d anwa i d Bu Yaɛli
D menhu i yelli
Tabburt n lmut d lmenker

Ula yɣer ad d-nesteqsi
D Neḥnaḥ ihi
Ukud tt-icud di Zberber

Eh oui
Ass-a deg-sen nettwali
Di leḥkem d nutni
I tmegḥelt bedlen tayett
S wallaɣen thuba tmusni
I deg i ẓẓan iswi

Tamurt alamma quccen-tt
Zhir di tikli
Ɣer-sen ur yelli
(Shhht)
Kecmen laḥkem ɣef tefdent

Zemren I uṛaǧi
Mi srekden imɣi
Ad aɣ-d-inin qablet-tt

Imeslayen-nni
B-bemdakkel Lhacimi
D Dda-Lḥusin neɣ Saɛdi
Yettakken abeḥri i turett

A ten-ṛbun maḍi
Fellag neɣ nekkini
D ugeswaḥ n Dilem Aɛli
Lkaṛṭa n tudert sɣersen-tt

Ayen yerǧan Xalida nni
I sen-isxerben taguni
(Ay ay ay ay ay ay ay)
Ula ayɣer tmeyzem ma ṭṭfen-tt

Am wi yettseqqin I wasif
Yiwet ur tt-iṭṭif
Yesnezh-d deg-s leɛṛac
Uqbel ad tgerm asurif
Ad tezzwirem nnif
Ma ulac tamaziɣt
... ulac, ulac, ulac, ulac

Teɣli teslent deg Illulen
Thubb Iɣallen
Tḥuza yiwen di Mlikec
Mačči d yiwet i d-ilulen
Ara d-ilalen

Tin d-ilulen ad d-teṭṭuṛṛec
Ay ahṛuḥu ay d-ittṣaren
Ula d atmaten
Win yewɛan wayeḍ ad-t-yeqdec
Ansi nekka d asawen
Iḍarren xnubṛen
Zzur deg-neɣ yetḥennec

Nḥemmel dderz nettɛeggiḍ
Nettkaw am ceṭṭiḍ
Ntettu ansi-d-nɛedda
Iɛerq cced uyeddid
Nettnadi ɣef ssmid
Anda akken i izad ukerfa

Tameslayt i ɣ-d-inǧeṛn abrid
Ḍlan-as ṣdid
Ula d bab-is yestehza
Cceɣl ur yelli d ajdid
Neggul ur nerkid
Seg-neɣ i d-tjebbu tyita

Temɣembas lehwa tɛeṭṭel
Nettraǧu ad terked
Amar ad ɣ-d-iban yixf-s

Lbaṭel yeɣṣeb yuzzel
Di tugna iḥawel
Yal Taxlijt teqḍa anṣib -is

Yefṛurex yennerna dɣel
A ihebber laṣ̣el
Deg irebban la yettirqis

Aẓeṭṭa n tegmatt yebṭel
Limer izwar laɛqel
Tili ass-a yefra cceɣl-is

Ẓriɣ ay aḥbib tuyseḍ
Xas tesmuzegteḍ
Lmendad ur-t-tgiḍ ara

Taɣzut akken tennumeḍ
S tidi tmeggleḍ
Tṣaḥ-ed I yat ttnefxa

Tenfiḍ si tmurt themleḍ
Tenwiḍ at-tḍilleḍ
Wegud n lemtahna

Ay anda tebɣuḍ tawḍeḍ
Ur teṭṭelliqeḍ
I wayen akk k-yezzan tasa

Seg ul zeddigen I tḥemmleḍ
Fellas tqedḥeḍ
Tettcebbiḥ-ak tanafa

Seg ul zeddigen I tḥemmleḍ
Fella-s I tjehqeḍ
Mi a-k-ttwaxeblent tirga

Ah a la isekker
Ah a la isekker
D-taɛzizt-is i d-ifekkeṛ
Ah a la isekker

Ah a la isekker
Ah a la isekker
D-taɛzizt-is i d-ifekkeṛ

Deg ul-ik izad usemmiḍ
Deg ugur tuẓiḍ
Cekklen-k leqyud n ccfaya

Izzem-ik wul ɣef tin teǧǧiḍ
Lemmer di tt-tugiḍ
A-s-n-ini d yir leḥmala

Imi keč daxel tezziḍ
Isem-is mi s-tesliḍ
At-tnefleḍ ɣer ttberna

Deg ussan tettektiliḍ
Deg seggasen tettsenniḍ
Am waken iɛeǧb-ak waya

Ah a la isekker
T-taɛzizt-is I d-ifekkeṛ
Ah a la isekker
T-taɛzizt-is I d-ifekkeṛ

Ẓriɣ acu i-k-iḥerṣen
D wacu i-k-yesbeɛden
Ẓer kan i-txeddem lmerta

T-tamurt nneɣ i-g-xnunsen
Tfal seg dammen
Wa yemmut wayeḍ innejla

Ma d nekkni s wid d-iqqimen
A ɣ-ddeqqimen
An-ttsennid f tmara

Mi ɣ-ḥwaǧen a ɣ-d-ssiwlen
Mi fuken a ɣ-ḍelqen
Tturaren yiss-neɣ lebda

Ah a la isekker
Ah a la isekker
T-taɛzizt-is i d-ifekker
Ah a la isekker

Ah a la isekker
Ah a la isekker
T-taɛzizt-is i d-ifekker

Ulayɣar narǧa assirem
An-ssenned ɣef sbar
Amsdrar ur-iḥekkem
Xas yeɣra yezwar

Ulayɣar narǧa assirem
An-ssenned ɣef sbar
Amsdrar ur-iḥekkem
Xas yeɣra yezwar

Affus n lbaṭel ittwalqem
Lɣella-s d ccar
I laṣel s-amessen udem
Iɣma yejjunjar

Jegren-tt s ddin d taɛrabt
Tamurt n Lzayer
Jegren-tt s ddin d taɛrabt
Tamurt n Lzayer
D uɣurru, d uɣurru, d uɣurru

D ungif ibubben tawwurt
Akken i wen-teḍra
Ma tɣilem ad ḍelqen I tsarutt
Tesɛam nniyya

D ungif ibubben tawwurt
Akken i wen-teḍra
Ma tɣilem ad ḍelqen I tsarutt
Tesɛam nniyya

Win iɛerḍen tacriḥt n tsekkurt
Ur iqenneɛ ara
Ddwa-s a-ncerreg tamurt
An-nebrez tura

Amar assen ay atma
At-naqel Lezzayer
Amar assen ay atma
At-naqel Lezzayer
Seg uɣurru seg uɣurru seg uɣurru

Mačči d yiwen i-d-iẓedmen
Isenta tuccar
Ay amcum sseg-neɣ yeffɣen
Yeǧǧa-d tisigar

Mačči d yiwen i-d-iẓedmen
Isenta tuccar
Ay amcum sseg-neɣ yeffɣen
Yeǧǧa-d tisigar

Di Lezzayer tagmatt tuḍen
Tenṭer ur tettnekkar
Ssus iṛebba acciwen
Ad yesni idurar

Iɛeṭṭel a-d-ijbu liser
Ara tt-ifersen
Iɛeṭṭel a-d-ijbu liser
Ara tt-ifersen
Seg uɣurru, seg uɣurru, seg uɣurru

Xas yeqqed-aɣ laẓ d facal
Ɣef ṣṣber ur nettsennid
Skud mazal tarwa n laḥlal
Ur s-nkennu I lqid

Xas yeqqed-aɣ laẓ d facal
Ɣef ṣṣber ur nettsennid
Skud mazal tarwa n laḥlal
Ur s-nkennu I lqid

Akken ibɣa izzelz uzaylal
Ur-n-xellef abrid
I-g-mmaren a tiḥemmal
Ur neffiɣ f lǧid

S laṣel d ṣṣfa lɛeqqal
Ss an-zwi Lezzayer
Seg uɣurru, seg uɣurru, seg uɣurru

S laṣel d ṣṣfa lɛeqqal
Ss an-zwi Lezzayer
Seg uɣurru, seg uɣurru, seg uɣurru