I liebe di Songtext
von Linard Bardill

Dä Chef dä isch am rüssle
Der Kaffi, dä wird kalt
Alli sind am stresse
I fühle mi uralt
I gschpürs am klina Finger
Hüt mues öppis ga
I luege us em Fenschter
Und gan dä Wulke na

I han mi verlore, verlore in dier
Jetz hani roti Ohre und träume nur no vo dier
I han in dir gschloofe, jetz bin i verwacht
Du hesch mi troffe, mi läbig glacht
Du bisch min Gartä und i bin d′Blueme wo dinne stoht
Du bisch mi Himmel und i bi d'Sunne wo dinne undergoht
I liebe di


I han mi verlore, verlore in dier
Jetz han i roti Ohre und träume nur no vu dier
Dä Kopf uf der Ärde und d′Zeba im Wind
Han all die Beschwärde wo mer hät wän mer spinnt
Du bisch min Garte und i bin d'Blueme wo dinne stoht
Du bisch min Himmel und i bin d'Sunne wo dinne undergoht
I liebe di
Der Chef, dä rüsslet witer
Der Kaffi, dä schmeckt schaal
Alli sind am stresse und mier isch äs egal
Äs kicheret mis Knü und äs jodled mini Seel
I starte der Computer und schigge dier äs Mail
Du bisch min Garte und i bin d′Blueme wo dinne stoht
Du bisch min Himmel und i bin d′Sunne wo dinne undergoht
Du bisch min Garte und i bin d'Blueme wo dinne stoht
Du bisch min Himmel und i bin d′Sunne won dinne undergoht
I liebe di