Heast Rosi Songtext
von Kurt Ostbahn & die Kombo

Da Hunga legt se
Wü nua no ins Bett
Denk ma scho Sochn
De san ma
Muagn vü zu bled
Heast, Rosi
Denk ganz fest an mi
Gestern woa Wels dran
Vuagestern Steyr
Muagn foa ma auf Innsbruck
Von do noch
Dings an da Thaya
Heast, Rosi
Denk ganz fest an mi


Waaßt no vua zwa Joa
Damals in Laa
Hama no ollas
Ganz genau g′wußt
Heit huck i in Ternitz
In dera Bar
Waaß boid nimma
Wiast ausschaust
Und moch mi zua

Do rennt a Fernsehn
Wo goa nix rennt
Hätt glei ins Hotel solln
Oba jetzt is z'spät
Heast, Rosi
Denk ganz fest an mi
A gfäude Musi
Fia fade Leit
Se ham ihrn Heckl, mia
Vageht dabei jede Freid
Heast, Rosi
Denk ganz fest an mi


Waaßt no vua zwaa Joa
Damals in Laa
Do hama no ollas
Ganz genau g′wußt
Heit huck i in Lienz
In dera Bar
Waaß boid nimma
Wiast ausschaust
Und tua mi weg

Ka leichte Hockn
A brada Weg
I denk vü an di, Rosi
In de langen Nächt und Täg
Schau daweu auf di söba
Loss fia mi nix aus
Und wann i wieda hamkumm
Schaut's ganz so wia früher aus
Heast, Rosi
Denk ganz fest an mi

Waaßt no vua zwaa Joa
Damals in Laa
Do hama no ollas
Ganz genau g'wußt
Heit huck i in Bludenz
In dera Bar
Waaß boid nimma
Wiast ausschaust
Und moch mi zua

Ka leichte Hockn
A brada Weg
I denk vü an di, Rosi
In de langen Nächt und Täg
Und, Rosi
Denk do ganz fest an mi